Ngike el Ulemeob er sera lebebeterir a rechad e ngmilengedecheduch er tir lokiu a rechanghel me a reprofet. Ngdirrek el mle soal aika el klemechel me a telbilel a lemeluches. Aika el telbilel a Dios a ngar ngii a lerellii er a ngar medam el klebesei. Me ke mo metik aika el telbiil er ker?

A klemechel a Dios el mei er kid a debetik er a Chedaol Llechukl. (2 Timothy 3:16) Ngmilekera er a lousbech er a reprofet el meluches a klemechel? (2 Petrus 1:21) A Dios a lilecha uldesuel er a uldesuir a remilluches, me te liluches er a babier. E tia di osisiu er chelecha el taem. A lsekum a chad er a siobai a olengit er a melechesel el meluches a klemechel, e kede kongei el kmo tia el babier a babilengel ngii el chad er a siobai. Me ngdi osisiu, a Dios a uluusbech er a rechad el meluches a klemechel, engdi a mera er ngii a Chedaol Llechukl a babilengel.

A klemechel a Dios a kmal klou a ultutelel me ngsoal a rokui el chad a longuiu er ngii e bo lodengelii. Chelecha el taem, e a “diak a ulebengelel klumech er a Ungil Chais” el mla er ngii a mla oberk el mora bek el “kebliil, ma omelekoi, ma beluu.” (Ocholt 14:6) Ngokiu a klengeltengat er a Dios, e a Chedaol Llechukl a ngar ngii el cherrungel me a di tedobech el ngar er a betok er a 3,000 el omelekoi, el kuk betok er a ngii di el babier er tia el beluulechad.