Te Milsang a Bltikerreng el Ngar Omeruul
A YOMARA me a ruchedal er a Marcelo me a Hiver a kiei er a kekerei el beluu er a Guatemala. A Yomara ulemuchel el mesuub a Biblia lobengterir a Resioning e di mle telkib a ruchedal a mlo mesuub. Engdi ngmla er ngii a omelsemai. Tirka el tedei a meiko e diak el sebechir el menguiu a braille. Me ngike el milsuub lobengterir a milenguiu a parakurab me a bades el mo er tir sel temir el mesuub.
A mora miting me ngdirrek el mle ta er a omelsemai. Tirka dimlak el sebechir el di tir el merael mo er sel kot el kmeed el Blil a Ongdibel el mle 40 el bung a cheridel. Engdi rudam er a ongdibel a ngilsuterir el mora bek el miting. E sera bo lomuchel loltobed a part er a miting, a rudam a ngilsuterir el memorize a part er tir.
Sera May 2019 e te mlo meruul er a miting er a belurir. Tiakid el taem e a ta el obekel el regular pioneer a mla melukl el mo er tia el belurir. Ngmle turrekong er tir a mo osisecheklterir el tedei el mo meduch el menguiu e meluches a braille, alta tir me te dirrek el mle metitur. Te mlora library e ngmai a book el kirel a braille, me lsebechir el suubii a rolel e ngmo sebechir el ngosuterir a rebebil lousbech a braille.
Marcelo el longer er a temel a miting
Chelsel a sesei el buil e tirka el ochad a mla mo beot er tir a menguiu a braille, e tia uchul e ngmlo sebechir el lmuut lolengeriakl er a tekoi er a klereng. a Chelechang a Yomara, Marcelo, me a Hiver a mesiou el regular pioneer. E a Marcelo a ministerial servant. Te kmal mechesang el mesiou er a Jehovah. A blakerreng er tir a mla rulleterir a rebebil el dirrek el mo blak a rengrir.
Tirka el tedei el ochad a mera el loba omereng el saul el kirel a bltikerreng me a support er a ongdibel. A Yomara kmo, “Sera kim kot el mo medengelterir a Resioning e tirka kid er a lolecholt er kemam a mera el bltikerreng er a Rekristiano.” A Marcelo dochelir el kmo, “Te ngar ngii a rungil sechelimam er a ongdibel me kemam a chedal a telungalek el rechedal a meliuekl er a beluulechad el rokir, el merenged er a bltikerreng.” A Yomara me a ruchedal a kmal omes el beduluchei el kirel sel sils el bo lesa beluulechad el rokir el mo baradis.—Psa. 37:10, 11; Isa. 35:5.
a A brochure el dai er ngii a Learn to Read Braille a mileketmokl el mo olengeseu er a chad el meiko me a lechub e ngkmal mekngit a osengel el mo meduch el menguiu e meluches a braille.
