Di Bivvel sawkt miah sedda willing sei fa gevva zu anri un’s du fa da recht reesin. Vann miah sell doon dann macht’s uns haebbi un si aw. (Shpricha 11:25; Lukas 6:38) Da Jesus hott ksawt: “Es is saylichah [adda may happiness] fa gevva es vi fa nemma.”​—Apostelgeschichte 20:35.

•  Vass is en goodah reesin fa gevva?

•  Vass is nett en goodah reesin fa gevva?

•  Verses funn di Bivvel veyyich gevva

 Es is en goodah reesin fa gevva vann miah gevva vella funn unsah hatz. 2 Korinther 9:7 sawkt: “Alli-ebbah muss gevva vi eah ausmacht in seim hatz, nett unvillich adda veil eah muss, fa Gott hott leevi fa deah vo fraylich gebt.”

 Fa geahn gevva funn’s hatz is part funn worship es pleesing is zu Gott. (Jakobus 1:27) Leit es willing sinn fa selli helfa es hilf braucha sinn am shaffa mitt Gott, un Eah gukt’s oh es vann si’s am du veahra zu een. (Shpricha 19:17) Di Bivvel teetsht es Gott sich selvaht zayld selli zrikk betzawla es gevva zu anri.​—Lukas 14:12-14.

 Vann’s gedu is yusht fa em selvaht pleesa. Samm examples:

•   Fa goot gukka zu anri.​—Matthäus 6:2.

•   Fa ebbes zrikk greeya.​—Lukas 14:12-14.

•   Fa betzawla so es si ayvich layva greeya kenna.​—Psalm 49:6, 7.

 Vann ma’s dutt fa ebbes es Gott nett gleicht. Fa’n example, es veah letz fa ebbah geld gevva fa gaembla, drugs yoosa, adda fa ksoffa vadda. (1 Korinther 6:9, 10; 2 Korinther 7:1) ’Sis aw nett recht fa ebbah geld gevva es shaffa kann fa sich selvaht supporda avvah vill nett.​—2 Thessalonicher 3:10.

 Vann miah so feel gevva zu anri avvah gevva nett acht uf em sei aykni family. Di Bivvel teetsht es selli es foah-gayn in di family missa iahra aykni family gevva vass si braucha. (1 Timotheus 5:8) Es veah nett recht fa sellah es foah-gayt in di family fa so feel gevva zu anri es eah macht es sei aykni family soffahra muss. Da Jesus hott ksawt ’sis letz vann ebbah sawkt es alles es si henn is fa gevva zu Gott, un no deich sell gevva si nett acht uf iahra eldra.​—Markus 7:9-13.