Vann du di Bivvel am shtodya bisht mitt ayns funn Jehova Sei Witnesses, dusht du andem ivvah’s information gay eb alli shtoddi. Fa’s mensht aus di fasamling greeya is’s goot fa’s saym ding du. Es shaft’s besht fa en goodah sketshel havva.

Diseiyt vo un vann fa shtodya. Vann kansht du’s besht denka? Is’s free meiyets eb du dei dawk shteahsht adda shpaydah ohvets vann di kinnah moll in’s bett sinn? Diseiyt vi feel zeit es nemma kansht fa shtodya, even vann’s nett lang is, un boviah nix lossa in da vayk kumma. Finn en blatz vo du’s besht denka kansht, un du ennich ebbes abshodda es dich distraekta kend, so vi dei phone. Bayda eb du shtoddisht zayld helfa di wohris funn da dawk aus dei meind du so’s du bessah meddatayda kansht uf di Bivvel.​—Philipper 4:6, 7.

Finn di ensahs un grikk en comment reddi. Boviah seahsht da mayn idea greeya funn da subject. Denk veyyich da title funn da article adda chapter, un vi di subheadings mitt da title gayn. Gukk an di piktahs un review questions es em helft di mayni points fashtay. No lays alli paragraph un finn di ensahs zu di questions. Lays di verses in di Bivvel es gmenshind sinn un denk vi si mitt da subject gayn. (Apostelgeschichte 17:11) Vann du moll da ensah kfunna hosht zu da question, underline adda highlight di mayni vadda in da paragraph es dich helfa kann da ensah meinda. No, kansht du dei hand nuff du an di fasamling vann vitt un en comment gevva in dei aykni vadda.

Vann du di subjects shtoddisht es discussed vadda an di fasamlinga alli voch, zaylsht du als may lanna vass in di Bivvel is.​—Matthäus 13:51, 52.

• Vass kann dich helfa reddi greeya fa di fasamlinga?

• Vi kansht du reddi sei fa en comment gevva an di fasamlinga?