Denki fa zeit nemma un ivvah deah brochure gay fa may lanna veyyich Jehova Sei Witnesses un vass unsah organization am du is. Miah hoffa dess hott dich kolfa sayna es miah di vans sinn es Jehova sei villa am du sinn heit. Miah frohwa dich fa ohhalda may lanna veyyich Gott, un fa dei family un friends sawwa vass du am lanna bisht. Du reklah zammah kumma mitt uns an unsah fasamlinga.​—Hebräer 10:23-25.

Du zaylsht sayna es di may es du lansht veyyich Jehova di may es du sayna zaylsht vi feel leevi es eah hott fa dich. No vitt du alles du es du kansht fa dei leevi veisa zu een. (1 Johannes 4:8-10, 19) Vi kansht du leevi veisa fa Gott bei da vayk es du laybsht? Favass is’s goot fa dich fa heicha zu vass Gott sawkt es recht un letz is? Vass zayld dich helfa so es du Gott sei villa du vitt mitt uns? Da vann es du di Bivvel am shtodya bisht mitt veah haebbi fa di ensahs finna mitt dich, so es du un dei family ‘in di leevi funn Gott bleiva kennet mitt ayvich layva’ fannich eich.​—Judas 21.