5. POAT
Aus de Welt met Wota vejinkj — wäa horcht no Gott un wäa deed nich?
De mieeschte Menschen to Noah siene Tiet wieren schlajcht. 1. Mose 6:5
Adam un Eva hauden Kjinja un soo jeef daut boolt väl Menschen oppe Ieed. Met de Tiet stunden eenje Enjel dän Soton bie un stalden sikj jäajen Gott.
Dee kjeemen no de Ieed un muaken sikj to Menschen, daut see sikj kunnen met Frumenschen befrieen. De Kjinja, waut dise Frues hauden, wieren nich soo aus jeweenlich. Daut worden sea stoakje un grausome Menschen.
Boolt wia aules voll schlajchte Menschen. Enne Schreft sajcht daut, “daut de Menschen sea bees oppe Ieed wieren un daut äare Jedanken bloos dän tietäwa schlajchte Jedanken wieren”.
Noah horcht no Gott un bud dän Kausten. 1. Mose 6:13-14, 18-19, 22
Noah wia een gooda Mensch. Jehova säd to Noah, hee wudd de beese Menschen met Wota venichten.
Gott säd uk to Noah, hee sull een grootet Schepp buen, daut wia de Noahkausten. Doa sull hee siene Famielje un de väle Sorten Tieren nenbrinjen.
Noah deed de Menschen fa daut groote Wota woarnen, oba dee horchten doa nich no. Eenje hauden sikj domm äwa Noah un aundre wieren spietich äwa dän.
Aus Noah dän Kausten ieescht foadich haud, brocht hee de Tieren doa nenn.
Veleicht jleichst du uk dit
DE BIBEL: OM WAUT JEIT DAUT DOA BENNEN?
De groote Äwaschwamunk
Woo neem daut beese oppe Ieed too? Wuaderch wees Noah, daut hee Gott tru wia?
