1. Hia mien Jebäd, leewa Voda Jehova.

Dankscheen fa aules, waut du fa mie deist!

Die deen ekj wellich, ekj leew un vetru die,

feel mie en Sechaheit, wiels du mie leitst.

Soo aus du weetst, moak ekj jieda Dach Fäla.

Hool mie togood un vejeff miene Schult.

Leeftolich jeefst du daut Leesjelt derch Jesus.

Ekj saj die dankscheen fa diene Jedult.

2. Dankscheen, Jehova, daut du mie soo goot best.

Aul diene Frintlichkjeit räakjen ekj väl.

Lia mie un trakj mie noch noda no die han.

Halp mie, dien’ Wajch un daut Läwen to wäl’n.

On’ dienen Jeist wudd ekj kjeenmol de Krauft ha’n,

von die to räden un dien Wuat to lier’n.

Deemootich dank ekj die, daut ekj die deen’ kaun.

Du best mien Voda un die well ekj ier’n.