Respakjt fa de Famielje

AUFSPÄLEN

WUAROM ES DAUT WICHTICH, DE FAMIELJE TO RESPAKJTEN?

Wan aule en de Famielje sikj omzajcht respakjten, kjennen dee sikj jeleeft un secha feelen.

Een Buak äwa dän Ehestaunt sajcht, daut wan de Ehelied sikj respakjten, dan wiesen dee sikj “Dach ut un Dach en, woo sea dee sikj jleichen – nich bloos derch groote Sachen, oba uk met kjliene” (The Seven Principles for Making Marriage Work).
Forscha haben utjefungen, daut soone Kjinja, waut lieren, aundre to respakjten, bäta äwa sikj selfst denkjen, uk bäta met äare Elren delenjd komen un weinja aune Narfen lieden.

WOO KAUST DU ENNE FAMIELJE RESPAKJT WIESEN?

Berät junt daut aus Famielje. Ieeschtens: Rät aus Elren doaräwa, waut bie Respakjt wiesen aules met en es. Tweedens: Schrieft junt daut krakjt opp, waut jieda eena enne Famielje doonen mott toom Respakjt wiesen un waut dee nich doonen sell. Dreddens: Rät met de Kjinja toop doaräwa, soo daut aule enne Famielje weeten, woo dee sikj unjarenaunda Respakjt wiesen kjennen.

“Väasechtich plonen, brinjt eenem Vedeenst” (Spricha 21:5).

Jeff een goodet Biespel. Daut wudd nich fein sennen, wan du äwa de Schwakheiten von wäm en diene Famielje wurscht schlajcht räden, äwa dee äare Meenungen utholen, dee nich fa wichtich talen ooda mankräden, wan dee die waut sajen wellen.

Proow dit: Denkj doaraun, daut Respakjt wiesen waut es, waut du dienen Poatna un de Kjinja schuldich best, un nich waut, waut dee sikj vedeenen motten.

“Siet de Ieeschte, wan daut kjemt, eena dän aundren Iea to wiesen” (Reema 12:10).

Bliew respakjtvoll, mau rajcht wan du nich met dän stemst. Wan du diene Meenunk sajchst, dan saj nich soont aus: “Du deist daut emma!” ooda: “Du deist daut kjeenmol!” Soont to sajen kaun wäm von diene Famielje sea beleidjen un aules bloos noch oaja moaken.

“Eene jelinde Auntwuat stelt dän Oaja, oba een hoadet Wuat reizt toom Oaja” (Spricha 15:1).

WOO HALPEN JEHOWA SIENE ZEIJEN DE FAMIELJES, RESPAKJT TO WIESEN?

Jehowa siene Zeijen muntren aulem enne Famielje opp, sikj unjarenaunda Respakjt to wiesen. En de Artikjels, Bieekja un Videos, waut wie emsonst rutjäwen, jeit daut foaken om daut.

FA BEFRIEDE: De Artikjels von de Rieej “Help fa de Famielje” kjennen Ehemana un Ehefrues halpen, . . .

goot tootohorchen.
wieda met dän Poatna to räden, wan eena uk beleidicht es.
opptohieren met strieden.

(Sieekj “Help fa de Famielje” opp jw.org.)

FA ELREN: De Artikjels bie “Help fa de Famielje” kjennen Elren halpen, äare Kjinja to lieren, . . .

jehuarsom to sennen.
tus mettohalpen.
waut leeftolich to froagen un dankscheen to sajen.

(Sieekj “Kjinja opptrakjen” un “Jugentliche opptrakjen” opp jw.org.)

See uk de Artikjels “Sas Sachen, waut Kjinja lieren motten” en daut Woat waka! Num. 2 2019 un “12 Sachen fa een scheenet Famieljenläwen” en daut Woat waka! Num. 2 2018, Sied 8-11. (Dise Artikjels sent opp jw.org.)

FA JUNGE MENSCHEN: Bie “Junge Menschen” opp jw.org sent Artikjels, Videos un Oabeitsbläda bennen, waut junge Menschen halpen kjennen, . . .

tus met aulem bäta delenjd to komen.
met Respakjt äwa äare Frieheiten to räden.
to bewiesen, daut de Elren opp äant vetruen kjennen.

(Sieekj “Junge Menschen” opp jw.org.)

De Websied jw.org es emsonst. Doa woat kjeen Jelt jefoddat, eena mott sikj nich enschriewen ooda aunmalden. Doa woat nuscht von die jefroacht, soo aus dien Nomen ooda diene Adrass.

WOAT WAKA!