Aum Friedach, dän 24. Feebawoa 2023, es daut 1 Joa, von don, aus de Kjrich en de Ukraine aunfunk. Eenje Berechten wiesen, daut ojjefäa 300,000 Soldoten von de Ukraine un Russlaunt sent dootjemoakt ooda velazt worden. Un se jleewen, daut rom 30,000 Menschen sent derch dän Kjrich todood jekomen. Oba daut kaun goot mäajlich sennen, daut doa noch mea jestorwen sent.

 Daut es sea truarich, oba daut schient soo, daut de Kjrich nich woat boolt opphieren.

•   Aun dän 19. Feebawoa 2023 säd de Rädio-Stäschen NPR (National Public Radio): “Daut es aul meist 1 Joa trigj, von don, aus de Armee von Russlaunt en de Ukraine nennkjeem, un doa es noch kjeen Bewies doafäa, daut de Kjrich boolt opphieren woat. Daut schient soo, daut nich de Ukraine ooda Russlaunt boolt jewennen woaren. Un daut sitt uk nich doano, daut dise beid Sieden woaren toop eene Leesunk finjen, wua dee beid met envestonen sent.”

 Väle sent sea truarich, wäajen doa soo väl Menschen oppe gaunze Welt lieden motten wäajen disen Kjrich ooda aundre Kjriej. Waut vonne Hopninj jeft de Schreft ons? Woat daut noch mol een Enj nämen met Kjrich?

 De Schreft rät von eenen Kjrich, waut de Menschen raden woat, enne Städ venichten. Dis Kjrich woat Harmagedon jenant. Daut es, wan aule Velkja oppe Ieed woaren aun “dän aulmajchtjen Gott sien grooten Dach toom Kjrich” toopjesaumelt (Openboarunk 16:14, 16, PB). Gott woat derch disen Kjrich een Enj moaken met aul de menschelje Rejierungen, waut derch Kjrich soo väl Schoden jebrocht haben. Toom noch mea doaräwa lieren, woo Harmagedon woat eewjen Fräd brinjen, läs dise Artikjels, waut hia aunjejäft sent:

•   Waut es de Kjrich von Harmagedon?”

•   Wie kjennen ons to Harmagedon freien!”