Ong Me Pwulopwul Kan

Ia Duwen Ahmw Pahn Diarada Kompoakepahmw Mwahu kan?

Iren kaweid kan: Wia kasukuhl wet nan wasa ehu me meleilei. Ni ahmw pahn wadek iren Paipel kan, medewehla me ke iang mi wasao. Medewehla me ke kilikilang oh rongorong dahme wiawi. Song pehm pepehm en irail kan me mi wasao.

Aramas me ke pahn medewe: Sonadan, Depit oh Sohl

Dahme wiawi: Mwurin Depit eh kemehla Kolaiad, Sonadan wiahla kompoakepah mwahu en Depit.

1 MEDEWEHLA DAHME WIAWI.—WADEK 1 SAMUEL 17:57–18:11; 19:1; 20:1-17, 41, 42.

Dahme ke pahn ndahki mwomwen Sohl. (Kilang 1 Samuel 10:20-23.)

․․․․․

Ni ahnsou me Depit tuhwong Sonadan, e wia mwahnakapw men. Ke lemeleme ia mwomwen Depit? (Kilang 1 Samuel 16:12, 13.)

․․․․․

Ia pepehm en Depit oh Sonadan ni ara koasoipene mwohn ara kohkohpeseng ni imwin 1 Samuel irelaud 20?

․․․․․

2 KALAUDEHLA AHMW WEHWEHKI.

Paipel kasalehda me “Sonadan, inenen poakepoakehla Depit duwehte eh poakohng pein eh mour.” (1 Samuel 18:1) Soangen irair dah kan me Depit ahneki me kahrehiong Sonadan en men karanihala ih? (Kilang 1 Samuel 17:45, 46.)

․․․․․

Sonadan laudsang Depit sounpar 30 ape. Dahme ke leme me sewese ira en kompoakepahnkihla emenemen, mendahki ara sounpar wekpeseng?

 ․․․․․

Nin duwen me sansalda nan koasoipen Depit oh Sonadan, dahme kin wiahda kompoakepah mehlel? (Kilang Lepin Padahk 17:17; 18:24.)

․․․․․

Dahme kahrehda Sonadan lelepek ong Depit laudsang eh pahpao?

․․․․․

3 DOADOAHNGKI DAHME KE SUKUHLKIHER. NTINGIHDI DAHME KE SUKUHLKI DUWEN . . .

Kompoakepah kan.

․․․․․

Lelepek

․․․․․

Kompoakepahnki me mah kan.

․․․․․

Ia duwen ahmw kak kompoakepahnkihla kompoakepah me keieu mwahu kan?

․․․․․

4 MEHNIA IRE ME KE KEIEU PERENKI OH DAHME KAHREHDA?

․․․․․

MA SOHTE NOUMW PAIPEL, IDEK REHN SOUNKADEHDEHN SIOHWA KAN DE WADEK NAN www.watchtower.org