۷ برخه
عیسیٰ څوک دی؟
خدای یَهّوه عیسیٰ ځمکې ته راولېږهُ. اول یوحنا ۴:۹
د آدم دمخه خدای یَهّوه بې شمېره ملکان جوړ کړل. د خدای د خوشحالولو دپاره، باید یو مهم ملک ته غوږ ونیسو، ځکه چې خدای ده ته لوی قدرت ورکړی دی.
خدای یَهّوه دغه ملک ځمکې ته راولېږهُ چې د انسان غوندې زېږېدلی شي. د یوې پېغلې څخه، چې مریم نومېده، یو زوی د بیت لَحَم په ښار کې پیدا شوُ. دغه زوی ته عیسیٰ نوم ورکړ (یوحنا ۶:۳۸).
کله چې عیسیٰ په ځمکې کې وُ، هغه عاجز او مهربان وُ او دغسې د مینې ډک وُ لکه څنګه چې زمونږ خدای د مینې ډک دی. عیسیٰ زړور سړی وُ او په جرأت خلکو ته د خدای په باره کې رښتیا ویل.
عیسیٰ یوازې ښه کارونه کول، خو بیا هم د کرکې سره مخامخ شوُ. اول پطروس ۲:۲۱-۲۴
عیسیٰ د خلکو سختې ناروغۍ بېرته جوړولې او حتی مړي بېرته ژوندي کول.
مذهبي مشران د عیسیٰ نه کرکه درلودله او ده ته په سپکه سترګه کتل، ځکه چې عیسیٰ د دوی حقیقی خیالونه ښوول.
مذهبي مشران په رومي عسکرانو باندې داسې اغېزه وکړه، چې دوی عیسیٰ ووهي او وژني.
