۵ برخه
د نوح په وخت کې چا خدای ته غوږ نیول او چا نه؟
د نوح په وخت کې تقریباً ټول خلک بد کارونه کول. پېدایښت ۶:۵
آدم او حوا ډېر ماشومان درلودل او په ځمکې باندې خلک ډېر شول. په دغه وخت کې یو شمېر د ملکانو څخه د شیطان غوندې د خدای په ضد راپورته شول.
دغه بد ملکان انساني وجُود په ځان کړ او ښځې وادۀ کړې. له دوی څخه لوی او قوي زامن پیدا شول، چې سخت ظالم وي او ګناه کوله.
ځمکه له بدو خلکو سره ډکه شوه. د خدای په کلام کې لیکل شوي دي، چې د انسانانو ټول کارونه او خیالونه خراب وي.
نوح خدای ته غوږ ونیوُ او کشتۍ جوړه کړه. پېدایښت ۶:۱۳، ۱۴، ۱۸، ۱۹، ۲۲
نوح ښه سړی وُ. خدای یَهّوه ده ته وویل، چې یو طوفان د لوی سیلاب په شان به راشي او ټول بد خلک به مړه شي.
خدای نوح ته وویل، چې یوه لویه کشتۍ د صندوق په شکل جوړه کړي، چې خپله کورنۍ او د هر ډول ځناورو او مرغانو نه یوه جوړه کشتۍ ته واخلي.
نوح خلک هم د طوفان په باره کې خبرول او پوهول. خو دوی د ده خبرې ته اعتبار نه لرل. ځینې په ده پورې خندل او ځینې حتی کرکه درلودله.
کله چې کشتۍ جوړه شوه، ځناور او مرغان کشتۍ ته ننوتل.
