Esdras 6:1-22
6 Chaypacha rey Darioqa kamacherqa Babiloniaj documentosninta allinta qhawaykurinankuta, mayqenkunachus valorniyoj imaswan jallchʼasqa kasharqa chayta.
2 Chantá sumaj jarkʼachasqa lugarpi uj kʼuyuna librota* tarerqanku, Media nisqa provinciapi, Ecbátana llajtapi. Chay kʼuyuna libropitaj kayta nisharqa:
3 “Rey Ciro ñaupaj kaj watata kamachisharqa. Chaypacha rey Ciroqa Jerusalenpi kaj Diospa wasinwan imatachus ruwanankuta kamacherqa:+ ‘Judiosqa watejmanta chay wasita ruwachunku, chaypi jaywanasta jaywanankupaj. Chayrayku cimientosninta churachunku. Chay waseqa midenqa altonman 27 metros,* anchonmanpis 27 metrosllataj.*+
4 Perqasnenqa kinsa fila jatuchaj rumisniyoj kanqa, uj fila maderasniyoj ima.+ Chay imasqa gobiernoj qolqenwan ruwakonqa.+
5 Chantapis Diospa wasinman kutichipuchunku chay qorimanta, qolqe metalmantawan copasta, fuentesta, chay waj imastawan, mayqentachus Nabucodonosorqa Jerusalenpi kasharqa chay templomanta orqhospa Babiloniaman apamorqa chayta.+ Chay imastaqa Jerusalenman apaspa Diospa templonman churamuchunku, lugarninman’,+ nispa”.
6 “Chayrayku Éufrates mayumanta inti yaykuy ladopi kamachej Tatenái, qanta kamachiyki, jinallataj qantapis Setar-Bozenái, compañerosniykitapis kayta kamachiykichej, pikunachus Éufrates mayumanta inti yaykuy ladopi sullkʼa kamachejkuna kankichej chaykunata:+ Ama chayman satʼikuychejchu.
7 Saqeychej Diospa wasin ruwakunanta. Chay wasitaqa watejmanta ruwanqanku judiospa kamachejninku, judiospa kurajkunasninkupis maypichus ñaupajta karqa chayllapitaj.
8 Chantapis judiospa kurajkunasnin Diospa wasinta watejmanta ruwanankupajqa, kayta kamachiykichej: Chay llankʼay mana sayananpajqa gastospaj usqhayllata paykunaman qolqeta qoychej+ gobiernoj qolqenmanta,+ mayqentachus Éufrates mayumanta inti yaykuy ladopi tantakun chay impuestosmanta.
9 Jerusalenpi kaj sacerdotesmanqa sapa día mana faltayta qonkichej imatachus mañakusqankuta, necesitasqankutapis: torillosta,+ carnerosta,*+ corderostapis,*+ cielopi kaj Diosman qʼolachispa* jaywanankupaj. Qollankichejtaj trigota,+ kachita,+ vinota,+ aceitetapis.+
10 Ajinamanta paykunaqa cielopi kaj Diospa sonqonta kusichinankupaj ofrendasta jaywallanqankupuni, reypaj, wawasninpajpis Diosmanta mañapullanqankupuni.+
11 Chantapis kayta kamachillanitaj: Sichus pipis chay kamachisqayta mana kasukunchu chayqa, wasinmanta uj jatun kʼaspita sikʼispa, chaypi chay runata clavankichej. Chay juchanraykutaj wasintaqa bañoman* tukuchinkichej.
12 Sichus pi reypis chayri mayqen nacionpis chay kamachisqayta mana kasukunmanchu, Jerusalenpi kashan chay Diospa wasintapis thuñinkuman chayqa, Diosqa paykunata chinkarparichichun, paymin chayman* sutinta churarqa.+ Noqa Darío chayta kamachini. Chaytaj usqhayllata juntʼakuchun”, nispa.
13 Chantá Tatenaiqa, pichus Éufrates mayumanta inti yaykuy ladopi kamachej karqa, jinallataj Setar-Bozenái,+ compañerosninpis chay ratopacha rey Darioj kamachisqanta kasukorqanku.
14 Judiospa kurajkunasninkoqa may kallpachasqas kasharqanku profeta Ageoj parlasqanwan,+ Idoj allchhin profeta Zacariaspa+ parlasqanwanpis. Chayrayku paykunaqa llankʼaspa ruwashallarqankupuni.+ Chantá chay wasita ruwayta tukucharqanku Israelpa Diosnin kamachisqanman jina,+ jinallataj Ciro,+ Darío,+ Persiaj reynin Artajerjespis+ kamachisqankuman jina.
15 Chay wasitaqa tukucharqanku adar* killapi, kinsa kaj pʼunchaypi, rey Darío sojta watastaña kamachishajtin.
16 Chaypacha israelitas, sacerdotes, levitas,+ presos apasqa karqanku chay kutinpojkunapis manchay kusisqa fiestata ruwarqanku Diosman chay wasita jaywapunankupaj.
17 Diosman chay wasita jaywapunankupajqa Diosman jaywarqanku 100 torosta, 200 carnerosta, 400 corderostawan. Tukuy israelitaspa juchasninkuraykutaj 12 chivosta jaywarqanku, Israelpi mashkha aylluschus* kasqankuman jina.+
18 Chantá Jerusalenpi Diosta sirvinankupaj sacerdotesta churarqanku gruposninkuman jina, levitastapis churarqanku grupospi tʼaqasqa kasqankuman jina,+ Moisespa libronpi qhelqasqa kasqanman jinataj.+
19 Presos apasqa kasqankumanta kutinpojkunaqa Pascua Fiestata ruwarqanku ñaupaj kaj killaj 14 pʼunchayninpi.+
20 Tukuy sacerdotespis levitaspis llimphus kasharqanku, tukuyninkupuni llimphuchakorqanku.+ Chantá Pascua uywata ñakʼaspa* jaywarqanku presos apasqa kasqankumanta kutinpojkunarayku, sacerdote compañerosninkurayku, paykunarayku ima.
21 Chantá presos apasqa kasqankumanta kutinpoj israelitasqa chay jaywanamanta mikhorqanku. Israelitaswan khuska mikhullarqankutaj, pikunachus paykunaman ujchaykukorqanku, jinallataj chay jallpʼaspi nacionespa millay ruwaykunasninkumanta tʼaqakorqanku Israelpa Diosnin Jehovata yupaychanankupaj chaykunapis.+
22 Chantapis Mana Levadurayoj Tʼanta Fiestata+ qanchis pʼunchayta kusisqas ruwarqanku, Jehová Dios sonqosninkuta kusiywan juntʼachisqanrayku. Chantapis Diosqa Asiriaj reyninta paykuna parteman tukucherqa,+ paywantaj yanapacherqa cheqa Diospa* wasinta ruwanankupaj, Israelpa Diosninpa wasinta.
Sutʼinchaykunasnin
^ Glosariopi kʼuyuna libro nisqata leeriy.
^ Arameo parlaypi nin, “60 codos”. Uj codoqa 44,5 centímetros karqa. Yanapa B14 nisqata leeriy.
^ Arameo parlaypi nin, “60 codos”.
^ Chayri “ruphachispa”.
^ Cordero nispaqa parlashan uj watayojmanta chayri aswan uñitamanta.
^ Carnero: waj lugarespi ninku mocho, oveja toro.
^ Ichá nillanmantaj “qʼopa wijchʼunaman”, “aka wijchʼunaman”.
^ Chayman nispaqa Jerusalenmanta chayri templomanta parlashanman.
^ Yanapa B15 nisqata leeriy.
^ Uj aylloqa uj familiamanta miraj ashkha familias kanku.
^ Ñakʼay: waj lugarespi ninku degollay, wañuchiy.
^ Glosariopi cheqa Dios nisqata leeriy.
