Diosqa noqanchejmanta llakikun
DIOSPA Palabranpeqa sumaj yuyaychaykuna tiyan. Bibliaqa mana jampismanta parlaj librochu. Jinapis yanapawasunman sinchʼi llakisqa kashajtinchej, mana allin yuyaykuna jamuwajtinchej, sonqonchej nanawajtinchej, onqosqa kashajtinchejpis.
Chantapis Bibliaqa niwanchej, Ruwawajninchej Jehová Diosqa a imatachus yuyasqanchejta, imaynachus kashasqanchejtapis sumajta entiendesqanta. Payqa noqanchejmanta llakikun, llakiypi kashajtinchejtaj yanapayta munawanchej. Bibliamanta kay iskay versiculospi tʼukuriy. Maytapuni kallpachasonqa.
“Jehová Diosqa sonqo pʼakisqa runaspa qayllallanpi kashan. Paymin llakisqa kajkunataqa salvan” (SALMO 34:18).
“Noqa Jehová Diosniykeqa paña makiykimanta japʼishayki. Noqaqa niyki: ‘Ama manchachikuychu. Noqa yanapasqayki’, nispa” (ISAÍAS 41:13).
Chanta, ¿imaynatá Jehová Dios yanapawanchej llakiykunawan mana atipachikunapaj? Qhepan paginaspi yachakusun Jehová Diosqa noqanchejmanta llakikusqantapuni, chayraykutaj ashkha yanapasta qowasqanchejta.
a Diospa sutenqa Jehová (Salmo 83:18).
