Bibliata ashkha horasta estudiayta munaspapis mana chayta ruwayta atillanchejchu. Jina kajtin, ¿imatá ruwasunman estudianchej chay tiempota sumajta aprovechanapaj? Ñaupajtaqa estudianchej chay tiempota ama usuchinachu. Aswan sumaj uj chhikallata sumajta estudiay, ashkhata usqhayllata leerpanamantaqa.

Chaymantataj imatachus ñaupajta ruwananchejta sumajta qhawarina (Efe. 5:15, 16). Kay yuyaychaykunaman jina ruwasunman:

• Sapa día Bibliata leena (Sal. 1:2). Ichapis qallarisunman chaupi semanapi tantakuyninchejpaj ajllasqa capitulosta leerispa.

• Imatachus chay semana estudiasunchej chayta ñaupajsitumantaña ukhuncharina: Torremanta Qhawaj revistata, chaupi semana tantakuypaj ima. Chaypi comentanapaj sumajta wakichikuna (Sal. 22:22).

• Aswan unayta estudianapaj tiempitunchej kan chayqa, kallpachakuna tukuypaj revistasta leenapaj, videosta qhawanapaj, jw.org paginapi llojsimun chay tukuyninta leenapajpis.

• Imastachus estudiananchejpi piensarina. Ichá maskʼarisunman llakiyninchejpaj kaj yachaqanasta, imamantachus yachakuyta munasqanchejta chayri imatachus aswan sumajta entiendeyta munasqanchejta. Astawan yuyaychaykuna tiyallantaj jw.org paginapi, “Estudianapaj yanapas” nisqapi.