TAPANMANTA ¿IMATÁ MOISESMANTA YACHAKUSUNMAN?
¿Pitaj Moisés karqa?
Moisés sutita uyarispa, ¿pimantataj yuyarikunki?
- ¿Uña wawitamantachu, pitachus maman canastaman churaykuspa Nilo mayupi saqerqa?
- ¿Qhapaj waynamantachu, pitachus Egiptota kamachejpa ususin wawanta jina uywakorqa, hebreo kasqantataj ni jaykʼaj qonqarqachu?
- ¿Madianpi 40 watasta ovejasta michej runamantachu?
- ¿Larwaj sachʼanejta Jehovawan * parlaj runamantachu?
- ¿Egiptota kamachejman israelitasta kacharichinanta mañaj runamantachu?
- ¿Wapuykachaj faraonman chunka ñakʼariykuna kananta willaj runamantachu?
- ¿Israelitasta chʼin pampanejta pusaj runamantachu?
- ¿Puka Qochata Diospa atiyninwan iskayman kichaj runamantachu?
- ¿Israelitasman Diospa Chunka Kamachiykunasninta jaywaj runamantachu?
MOISESQA chay tukuy imasta ruwarqa. Chayraykuchá cristianos, judíos, musulmanes ima, Moisesta may jatunpaj qhawanku.
Arí, profeta Moisesqa Diospa atiyninwan tʼukuna imasta ruwarqa (Deuteronomio 34:10-12). Chaywanpis payqa, waj profetas jina, “noqanchej jina runalla” karqa (Santiago 5:17). Moisesqa noqanchej jinallataj chʼampaykunapi rikukorqa, chaywanpis tukuy chaykunata atiparqa.
¿Imaynatachus chayta ruwasqanta yachayta munawajchu? Kinsa kʼacha kaykunasninta qhawarina, imaynatachus pay jina ruwanata ima.
^ párrafo 7 Biblia nisqanman jina, Diospa sutenqa Jehová. Qheshwa Biblia nisqamanta, glosario nisqapi 320 paginanta qhawariy.
