Biblia nisqanman jina, tukuypis juchasapas kanchej. Chaytataj ñaupa tatanchej Adanmanta herenciata jina japʼikunchej. Chayrayku ashkha kutista pantanchej, chantataj pesachikunchej. Diospa Wawan Jesucristoqa, juchasninchejrayku wañorqa, chayraykutaj perdonasqa kayta atinchej. Chaytaj Diospa regalon. (Romanos 3:23, 24 leey.)

Wakin runasqa jatun juchaspi urmanku, tapukunkutaj: “¿Maykʼajllapis Dios perdonawanqachu?”, nispa. Bibliaqa kutichin: “Diospa Churin Jesuspa yawarnintaj tukuy juchamanta pichawanchej”, nispa (1 Juan 1:7). Arí, Jehovaqa mayta juchallikojtapis tukuy sonqo pesachikojtin, perdonan. (Isaías 1:18 leey.)

Juchanchej pampachasqa kananta munanchej chayqa, Jehovata rejsinanchej tiyan, imaraykuchus imatapis ruwasqanta, yuyaychaykunasninta, kamachiykunasninta ima (Juan 17:3). Jehovaqa juchankumanta pesachikuspa payman kutirikojkunata, tukuy sonqo perdonan. (Hechos 3:19, 20 leey.)

Tukuypis Dioswan allinpaj qhawachikusunman. Payqa pantaj runas kasqanchejta yachan. Chantapis kʼacha, khuyakuyniyojtaj. Chayta yachay, ¿manachu Diosmanta astawan yachanaykipaj tanqasunki? (Salmo 103:13, 14 leey.)