Xa kebʼ oxibʼ qʼij chi kraj che xa jun chi qʼatbʼaltzij ktaqan pa uwiʼ ronojel ri uwach Ulew. ¿La kawaj kawetaʼmaj jachin riʼ?... Are ri uqʼatbʼaltzij ri Dios. Kubʼan utz che ronojel ri uwach Ulew, jun jeʼlalaj kʼolbʼal. ¿La kawaj kawetaʼmaj más chrij wajun qʼatbʼaltzij riʼ?...

Rech kqamajij retaʼmaxik, ¿la awetaʼm jas riʼ jun ajqʼatal tzij? Are jun winaq che ktaqan pa ri qʼatbʼaltzij. Ri uqʼatbʼaltzij ri Dios xuqujeʼ kʼo jun kkʼamow ubʼe. ¿Jachin riʼ kabʼij at?... ¡Are ri Jesús! Ri areʼ kʼo pa ri kaj, naj ta chik kraj che ktaqan pa uwiʼ ronojel ri uwach Ulew. ¿La utz riʼ ri uqʼatoj tzij ri Jesús? ¿La kojkikot riʼ chiʼ kuqʼat tzij?...

¡Qastzij wi che kojkikotik! Chiʼ ri uwach Ulew jeʼl chik, kʼot chi chʼoj. ¡Kechʼojin ta chi ri winaq pa uwiʼ jun jastaq! Kʼo ta chi jun winaq kuriq yabʼil kʼo ta chi nijun kkamik. Ri winaq che kekay ta kimik kekay na, ri kkita taj kkita na. Ri kekun taj kebʼinik kekun na kebʼinik xuqujeʼ kekunik kechʼopinik. Konojel ri winaq kekunik kkitij jeʼlalaj taq jastaq. Ri chikop kechʼojin ta chik, xuqujeʼ kojkunik kojetzʼan kukʼ. Kʼo chi jun utzalaj jastaq che kbʼanik: ri winaq che xekamik kekʼastaj na. Xuqujeʼ Rebeca, Rahab, David, Elías xuqujeʼ nikʼaj chiwinaq kekʼastaj loq rech kekʼojiʼ pa ri uwach Ulew. ¿La kawaj kawetaʼmaj kiwach?...

 Ri Jehová sibʼalaj katraj xuqujeʼ kraj che kariq kikotemal. Chawetaʼmaj más chrij xuqujeʼ chabʼanaʼ ri kawetaʼmaj. We kabʼano, kariq jun akʼaslemal che kʼot ukʼisik pa jun jeʼlalaj uwach Ulew. ¿La kawaj katkʼojiʼ pa jun uwach Ulew che sibʼalaj jeʼlik?...