Ri Naciones Unidas kubʼij:

•   Xumaj lo pa ri 7 kopan pa 23 re octubre 2023, e kaminaq chi más che 6,400 winaq pa ri chʼoj che kʼo chkixoʼl Gaza e Israel y 15,200 winaq e sokotajinaq, e kʼi chike xaq e winaq e soldados taj. Xuqujeʼ sibʼalaj e kʼi winaq elenaq bʼi pa ri kitinamit.

•   Pa ri 24 re septiembre 2023 xya ubʼxik che pa ri chʼoj che kʼo chkixoʼl Rusia y Ucrania e kaminaq chi 9,701 winaq y 17,748 winaq re ri tinamit Ucrania esokotajinaq.

 ¿La kʼo jun eyebʼal kuya ri Biblia chke ri winaq che kkiriq kʼax rumal ri chʼoj?

 Ri Biblia kuya ubʼixik che ri Dios kukʼis na «kitzaʼm ri chʼoʼj» cho ri uwach Ulew (Salmo 46:9). Dios kukoj na ri Uqʼatbʼal tzij che kikʼexwach ri e qʼatal taq tzij che e kʼo kimik (Daniel 2:44). Ri Uqʼatbʼal tzij ri Dios keʼutoʼ na ri winaq pa ri kʼaxkʼolil.

 Chawilaʼ ri kubʼan na ri Jesucristo che are ri qʼatal tzij re ri Uqatbʼal tzij ri Dios:

•   «Areʼ kʼu kayoʼw na ri toʼbʼanik che ri mebaʼ ri katzʼononik, xuqujeʼ ri kʼo urajawaxik ri man kʼo ta jachin kabʼanow toqʼobʼ che utoʼik. Kutoqʼobʼisaj na kiwach ri man nim ta keʼilik. Kutoʼtajisaj kʼut ri kikʼaslemal ri mebʼayibʼ. Keresaj pa ri latzʼ xuqujeʼ pa ri riqoj kʼax, sibʼalaj kʼu paqal ri rajil ri kikʼaslemal chuwach» (Salmo 72:12-14).

 Ri Dios kukoj ri Uqʼatbʼal tzij che resaxik ronojel ri kʼaxkʼolil y ri bʼis che uyaʼom ri chʼoj y ri kamisanik.

•   «Kusuʼ na ronojel ri uwaʼl kiwach ri e oqʼinaq. Man kʼo ta chi kamikal. Man kʼo ta chi bʼis, man kʼo ta chi kuraq uchiʼ rumal kʼax, mawi kʼo chi qʼoxowem. Xebʼokʼow kʼut ri nabʼe taq jastaq» (Apocalipsis 21:4).

 Xa pa kebʼ oxibʼ qʼij ri Uqʼatbʼal tzij ri Dios kusukʼumaj ronojel ri uwach Ulew. ¿Jasche qetaʼm? Rumal che ri Biblia kubʼij «Kitaʼ na chi e kʼo taq chʼoʼj. Kitaʼ na utzijol taq chʼoʼj» (Mateo 24:6). Ronojel waʼ kukʼutu che oj kʼo chi pa ri «kʼisbʼal taq qʼijol» re ri kiqʼatoj tzij ri winaq (2 Timoteo 3:1).