Are chiʼ 40 junabʼ xekʼojiʼ ri israelitas pa ri desierto, ri más xkitijo are ri maná (Éx. 16:35). Are kʼu ri Jehová kamul xuya saqkoʼr chke (Éx. 16:12, 13; Núm. 11:31). Xuqujeʼ xyaʼ nikʼaj chi jastaq chke rech kkitijo paneʼ kʼi ta más.

Jujun taq mul ri Jehová xeʼukʼam bʼi pa lugares «ri kbʼan wi uxlanem», chilaʼ kʼo joron y jujun taq jastaq che ktijowik (Núm. 10:33). Jun chke ri lugares riʼ are ri oasis de Elim, «ri kʼo wi kabʼlajuj (12) bʼulbʼux jaʼ, xuqujeʼ oxkʼal lajuj (70) tut» qastzij riʼ che chilaʼ e kʼo palmeras datileras o palmeras che kkiya wachinik (Éx. 15:27). Ri wuj Plants of the Bible kubʼij che ri palmeras datileras che «kkʼiy pa kʼi taq tinamit, [...] are jun cheʼ che kkʼiy pa taq ri desierto; y che kuya ktij ri uwach, keʼutzuq e kʼi winaq xuqujeʼ kuya aceite y kuya muʼj chke».

Xuqujeʼ weneʼ ri israelitas xeʼuxlan pa jun lugar che kimik kbʼix oasis de Farán che, kʼo pa ri lugar wadi de Farán. a Junam rukʼ ri kubʼij ri wuj Discovering the World of the Bible, wajun wadi riʼ (jun ukʼolbʼal jaʼ che chaqiʼj) «ketan 81 millas [130 km] raqan y are jun chke ri sibʼalaj nim, jeʼlik y más etaʼmatal uwach pa ri tinamit Sinaí». Wajun wuj riʼ kubʼij chik: «Wajun wadi riʼ, 28 millas [45 km] kʼo wi che ri oasis de Farán, chilaʼ e kʼo wi kʼi palmeras. Wajun oasis riʼ 4,8 km raqan y paqal 2,000 pies [610 m] puwiʼ ri mar. Are ri Edén re Sinaí. Ojer loq kimajim ri winaq che kkisolij wajun lugar riʼ».

Are chiʼ xeʼel bʼi ri israelitas pa Egipto xkikʼam bʼi qʼor re harina, ri kkiyuqʼbʼej wi, xuqujeʼ weneʼ xkikʼam bʼi aceite y nikʼaj chik. Y qas qetaʼm che wariʼ naj ta xuchʼij kukʼ. Xuqujeʼ «e kʼi ri kichij xuqujeʼ kiwakax ri xekikʼam bʼik» (Éx. 12:34-39). Y rumal che kʼo ta kriqitaj pa ri desierto, rumal wariʼ e kʼi awaj xekamik. Y weneʼ ri israelitas xekitij jujun chke ri awaj riʼ, nikʼaj chik xekikoj che tabʼal toqʼobʼ y weneʼ kʼo xekiya chke ri dioses (Hech. 7:39-43). b Paneʼ je wariʼ xkibʼano, are kʼu ri israelitas xekitik chij y wakax. Qetaʼm wariʼ rumal ri xubʼij ri Jehová chke are chiʼ xeniman taj: «Chupam kejeqiʼ  wi na ri e kalkʼwal jachaʼ ajyuqʼabʼ kawinaq junabʼ» (Núm. 14: 33). Rumal laʼ weneʼ xkitij leche y tiʼj, are kʼu wariʼ xubʼan ta chke ri tres millones winaq pa 40 junabʼ pa ri desierto. c

¿Jawchiʼ xekikʼama wi kijoron y kiwa ri awaj? d Chupam riʼ ri tiempo weneʼ kʼo kʼi qʼayes chke ri awaj rumal che kubʼan jabʼ. Ri kʼutunem «Arabia» re ri wuj Perspicacia para comprender las Escrituras kubʼij che 3,500 junabʼ ojer kanoq «pa Arabia kʼo más joron chuwach kimik». Y kubʼij chik: «Ri kikʼolbʼal ri nimaʼq taq jaʼ, kukʼutu che ojer xekʼojiʼ nimaʼq taq nimaʼ, rumal che sibʼalaj kubʼan jabʼ». Paneʼ je wariʼ are kʼu ri desierto kʼo ta kʼo chuwach (Deut. 8:14-16). We ta mat xuya jaʼ ri Jehová chke ri israelitas, konojel ta riʼ xekamik xuqujeʼ ri kawaj (Éx. 15:22-25; 17:1-6; Núm. 20:2, 11).

Ri Moisés xubʼij chke ri israelitas che ri Jehová xuya ri maná chke rech kʼo kkitijo y rech kketaʼmaj «chi man xuwi ta rumal ri wa kkʼasiʼ ri winaq, xaneʼ rumal ronojel ri kel uloq chuchiʼ ri Ajawaxel» (Deut. 8:3).