¿Atska jutiyoqku Diosqa?
Bibliachö yachakunqantsik
Teyta Diospa jutinqa jukllëllam. Hebreu idiömachöqa kënömi qellqayarqan יהוה y castellänuchöqa “Jehovämi”. a Sirweqnin Isaïastawanmi Teyta Dios jutinta kënö qellqatsirqan: “Jehovämi kä. Tsëmi jutï” (Isaïas 42:8). Juk jutikunapita y tukuynöpa Diosta reqiyaptin o qayayaptimpis, punta qellqayanqanchöqa Teyta Diospa jutinqa 7.000 kutipitapis masmi yurin. b
¿Jehovätaqa juk jutikunawampis reqiyanku?
Bibliachöqa Teyta Diospa jutin jukllëlla kanqantam nin. Tsënö kaptimpis, imanö kanqampitam juknöpapis reqiyan. Wakin nunakuna imanö reqiyanqampita yachakurishun.
Imanö kanqampita reqiyanqan |
Bibliachö qellqayanqan |
¿Ima ninantan? |
|---|---|---|
Alä |
(Bibliachö kantsu) |
Ärabe nunakunaqa Alä nirmi Diosta reqiyan. Tsënöqa niyan, katsiyanqan Bibliachö Dios nir churayänampa rantin Alä nir churayashqa kayaptinmi. Tsënö kaptimpis manam Diospa jutintsu. |
Alfa y Omëga |
Jehovä Diostaqa Alfa y Omëga nirpis reqiyanmi. Tsë ninanqa, Jehovälla “punta kaq y ushanan kaq” o “qallanan kaq y ushanan kaq” kanqanmi. Y kikinmi kënö nin: “Noqapa puntätaqa manam ni ima Dios kashqatsu, y qepämampis manam juk kashqatsu” (Isaïas 43:10). |
|
Mituwan Trabajaq |
Imanömi mitu taqllaqqa mituta makinchö katsin, tsënöllam Jehoväpis nunakunawan y gobiernukunawan imëkata rurëta puëdin (Romänus 9:20, 21). |
|
Llapampa Janampa Këkaq |
Teyta Jehoväwanqa manam ni pï ni imapis igualantsu. |
|
Imëpis Kawaq Awkin |
Teyta Diosqa manaraq ni pï ni ima kaptinmi karqanna. Pëllam unëpita y imëyaqpis Diosqa (Salmus 90:2). |
|
Pëllata Adorayänanta Munaq |
Teyta Diosqa manam santukunata adoranata munantsu, tsëmi kënö nimantsik: “Noqallam TEYTA DIOSNIKI kä. Juk dioskunata adorayaptikiqa alläpam piñakü” (Teyta Diospa Willakïnin [TDW]). |
|
Kamakoq |
Teyta Diosllam llapanta kamaq. |
|
Dios |
Nunakunaqa Dios niyan, pitapis o imatapis adorayanqantam. Jehovä Diostaqa respëtuwan rikashqa y imëkatapis allita ruraq kanqampitam ʼElohím nirpis reqiyan. |
|
Yachanëpaq Dios |
Teyta Diostaqa reqiyan kushishqa kanqampitam (Salmus 104:31). Tsëmi Bibliachöqa, “kushishqa Dios” kanqanta nin. |
|
Dioskunapa Diosnin |
Teyta Dioswanqa manam ni ichikllapis, “mana väleq santukunaqa” igualayantsu (Isaïas 2:8). |
|
Yachatsikoq |
Kikintsikpa biennintsikpaq yachatsimaqnintsik, y alli nänipa ëwanapaq pushamaqnintsikmi (Isaïas 48:17, 18). Bibliachöqa kënöpis ninmi: “Alli Yachatsishoqniki”. |
|
Imëkata Kamaq |
Teyta Diosqa llapan imëkakunata kamaqmi (Revelacion [Apocalipsis] 4:11 ). |
|
Mañakunqantsikta Wiyaq Dios |
Diosman markäkur o yärakur mañakushqaqa wiyamäshunmi. |
|
Teyta |
Teyta Dios munaptinmi kawëkantsik. |
|
Mitsikoq |
Teyta Diosqa sirweqninkunata yanapëkanmi. |
|
Yanapakoq Dios |
Isaïas 41:14, (TDW) |
Teyta Diosqa, tsurin Jesuspa wanuyninwanmi jutsapita y wanuypita llapan nunakunata salvamarquntsik (Juan 3:16). |
Imëpita imëyaqpis Rey |
Teyta Diosllam imëpita imëyaqpis mandakoq kanqa. |
|
Qaqa |
Teyta Diosqa imëkapita tsapämaqnintsik y salvamaqnintsikmi. |
|
Salvakoq |
Teyta Diosqa wanuypita, ushakëpita y mana allikunapitam salvamäshun. |
|
Allillata Ruraq |
Teyta Diosllam imëpis allillata ruraqqa. |
|
Señor |
Teyta Diospam llapampis; hebreuchöqa ʼAdhóhn y ʼAdhoním ninmi. |
|
Ciëluchö y Patsachö Autoridäyoq |
Hebreuchöqa ’Adhonái ninmi. |
|
Llapampitapis mas Puëdeq |
Teyta Diosnöqa manam ni pï kantsu. |
|
Llapampaq Poderyoq |
Teyta Diosllam imëkapaq poderyoqqa. Hebreuchö ’El Schaddái ninanqa, Dioslla “Llapampaq Poderyoq” kanqantam rikätsikun. Bibliachöqa, qanchis kutin tsë palabra yurin. |
|
Angelkunata Mandaq |
Teyta Diosqa mëtsika angelkunapa mandaqninmi. Wakin Bibliachöqa kënömi niyan: “Tröpakunata mandaq Jehovä” o “angelkunata mandaq TEYTA DIOS” (Romänus 9:29, Nueva Traducción Viviente). |
|
Noqaqa: “NOQAM KÄ” |
Exodu 3:14, Teyta Diospa Willakïnin |
“Noqam kä” nirqa, Teyta Diosqa llapan munanqanta ruranampaq kaqtam rikätsikun. Tsëmi pëqa kënö nin: “Noqaqa Rikätsikushaq Munanqäta Logrëta Puëdeq Kanqätam” o “Noqaqa munanqa Këmanmi Chäshaq” (Traducción del Nuevo Mundo [con referencias]; nota). Kë ninqankunaqa, Exodu 3:15-chö Diospa jutin Jehovä ima ninan kanqantam rikätsimantsik. |
Hebreu Idiömachö Diospa Palabran willakunqan sitiukuna
Wakin sitiukunapa jutinkunataqa Diospa jutintawanmi churayashqa, tsëtam Bibliachö willakun. Peru tsëkunaqa, manam Diosta juknöpa qayayanqantatsu rikätsikun.
Sitiu |
Bibliachöqa, ¿mëchötan yurin? |
¿Ima ninantan? |
|---|---|---|
Jehovä-Nisï |
“TEYTA DIOSMI Bandërä” (Teyta Diospa Willakïnin). Tsëqa rikätsikun, sirweqninkuna juntakäyanqanchö yanapakoq Dios, Jehovä kanqantam (Exodu 17:13-16). |
|
Jehovä-Salum |
Juëces 6:23, 24, Teyta Diospa Willakïnin |
Teyta Diosmi alli kawëta qaran. |
Jehovä-Sama |
Ezequiel 48:35, Teyta Diospa Willakïnin |
“TEYTA DIOS Täkunan”. |
Jehovä-Yirë |
Genesis 22:13, 14, Teyta Diospa Willakïnin |
“TEYTA DIOSMI yuritsimunqa”. |
Teyta Diospa jutinta reqishun y mëchö këkarpis parlashun
¿Imanirtan Jehovä Diosqa mëtsika kuti Palabranman jutinta qellqatsimushqa? (Malaquïas 1:11).
Señornintsik Jesucristuqa, Teytampa jutinta mëtsika kutim parlarqan y alläpam respetarqan. Tsëmi Teytan Jehoväman mañakur kënö nirqan: “Jutiki alläpa respëtuwan rikashqa katsun” (Mateu 6:9; Juan 17:6).
Teyta Diosta reqinapaqqa, puntataqa jutintaran reqinantsik. Pëta mas reqishqaqa masmi kuyamäshun y noqantsikpis masmi kuyashun (Salmus 9:10; Malaquïas 3:16). Tsënö kuyanakushqaqa, Teyta Jehovä änikunqanta cumplimuptin kushishqam kawakushun. Bibliachömi nimantsik: “Kuyamaqkunataqa noqam salvashaq. Shutïta sumätsiqkunataqa imëpis cuidashaqmi” (Salmus 91:14).
Diospa Palabranmi nin: “Dioskuna nir reqishqa kaqkuna ciëluchö o patsachö kaptimpis, imanöllam mëtsikaq ‘dioskuna’ y mëtsikaq ‘señorkuna’ kan” (1 Corintius 8:5, 6). Peru Bibliachö Diospa jutin yurinqanqa rikätsimantsik, Jehovälla rasumpa Dios kanqantam (Salmus 83:18).
a Wakin Bibliakunamanqa “Yahweh” o “Yahvë” nirmi, yachaq nunakuna qellqayashqa.
b Jäh nir Teyta Diospa jutinta qellqayanqanqa, 50 kutinömi Bibliachö yurin. Y Alelüya palabraqa, “Jähta alabayë” ninanmi (Revelacion [Apocalipsis] 19:1; TNM).
Capaz këkunapis gustashunki
¿IMA NINTAQ BIBLIACHÖ?
¿Pitan Jehovä?
Teyta Diosqa manam juk markapa Diosnintsu, sinöqa llapantsikpam.
ENSEÑANZAS IMPORTANTES DE LA BIBLIA
¿Diospa jutin kanku?
Diostaqa tukïläyapam qayayan, Llapanta Puëdeq, Kamakoq y Señor. Kë vidëuqa yachatsikun Bibliachö cäsi 7.000 kutinö Diospa jutin yurinqampitam.
REQIYÄMË
¿Munankimanku visitayänaqta?
¿Munankiku Bibliapita maslla yachakuyta o Jehoväpa testïgunkuna imanö kayanqanta musyëta?