Isaïas 46:1-13
46 Bel santu y Nëbu santupis nunakunanömi puktirëkäyan o umpurëkäyan.+
Tsë santukunataqa cargakuna animalkunachömi puritsiyan.+
Awmi, kallpannaq animalkunapa jananchö qepitanömi puritsiyan.
2 Tsë santukunaqa llapankuna juntum nunakunanö puktirëkäyan o umpurëkäyan.
Y animalkuna apayanqan cargatapis* manam salvëta puëdiyanqatsu,y kikinkunatapis juk nacionmanmi apayanqa.
3 Teyta Diosmi këta nin: “Jacobpa kastankuna y Israel nunakunapita quedaqkuna wiyayämë.+
Juk mama llullunta cuidanqannömi qamkunataqa mellqanïchö puritsirqö y cuidarqö.*+
4 Awkinna kayaptikipis noqaqa manam cambiashaqtsu,+y yuraq aqtsayoqna kayaptikipis noqam yanapayashqëki.
Kananyaq rurëkanqänömi qamkunata mellqanïchö apayashqëki, yanapayashqëki y salvayashqëkipis.+
5 ¿Pitawanraq igualatsiyämankiman?+
¿O pï niraq kanqätaraq niyankiman?+
6 Wakin nunakunaqa, bolsanchö kapuyanqan örutam lluta ushakätsiyan,y kapuyanqan plätatam balanzachö pesayan,y öruwan trabajaq nunakunawanmi santunkuna ruratsiyan.+
Tsëpitanam tsë santukunapa puntanman qonqurikur adorayan.+
7 Matankarkurmi churayänan+ sitiuman apar tsëchö dejariyan,tsëpitaqa manam mëtapis kuyukuntsu.+
Rogakuyaptimpis manam contestantsu,y mana allikunapa pasëkaqkunataqamanam salvëta puëdintsu.+
8 Tsëkunata yarpäyë y valienti kayë.
Qamkuna, jutsata* ruraqkuna, ama tsëkunata mana kaqpaq churayëtsu.
9 Unë witsanchö pasakunqankunata yarpäyë.
Noqallam Dios kä, y manam jukqa kantsu.
Awmi, noqam Dios kä y manam noqanöqa ni pï kantsu.+
10 Noqaqa qallananllapitanamimachö ushanampaq kaqta willakü, y unë witsampitanammanaraq pasakunqankunata willakurqö.+ Noqaqa kënömi nï:
‘Decidinqätaqa* manam cambiashaqtsu,+ y llapan munanqätam rurashaq’.+
11 Inti o rupay yarqamunan lädupitamëtsa mikoq jatun pishquta qayatsimushaq,+y karu nacionpitam munanqäta ruranampaq akranqä nunata qayatsimushaq.+
Parlanqätaqa rurashaqmi, y decidinqätaqa* cumplishaqmi.+
12 Chukru shonquyoq nunakuna wiyayämë.
Qamkuna, mana alli rurëkunata ruraqkuna wiyayämë.
13 Allita ruranäpaqqa ichikllanam faltan,manam alläpanatsu, y ichikllachönam salvaciontapis apamushaq.+
Awmi, Sionpita nunakunatam salvashaqy Israelpita nunakuna reqishqa kayänantam permitishaq”.+
Nötakuna
^ Tsënö nirqa, tsë animalkuna apayanqan santukunapaqmi parlëkan.
^ Kënöpis niyanmi: puritsiyarqoq y cuidayarqoq.
^ Kënöpis niyanmi: pecäduta.
^ O “Rurëta munanqätaqa”.
^ O “rurëta munanqätaqa”.
