Job 36:1-33
-
Puëdeq kanqampita Teyta Diosta Elihü alaban (1-33)
-
Cäsukoqkunaqa imëkayoqmi kayanqa, Diosta mana respetaqkunaqa mana allim ushayanqa (11-13)
-
“Manam ni pï yachatsikoqpis pëwanqa igualantsu” (22)
-
Jobqa imëkata ruranqampitam Diosta alaban (24)
-
“Teyta Dios puëdeq kanqantaqa manam entiendita puëdintsiktsu” (26)
-
Diosqa tamyatapis y räyutapis mandädunchömi katsin (27-33)
-
36 Elihüqa kënöpis nirqanmi:
2 “Teyta Diospa favornin parlamunäpaqqa mëtsikaran kan,tsëkunapita parlamunqäyaq pacienciawan wiyayämë.
3 Llapan musyanqäpitam parlamushaq,y Kamamaqnï imëpis alli kaqllata ruranqantam rikätsikushaq.+
4 Ninqaqwanqa manam ulipashqëkitsu o llullapashqëkitsu.
Kananqa llapanta musyaq+ Teyta Diospa rikëninchömi këkanki.
5 Teyta Diosqa alläpa puëdeqmi,+ y manam pitapis mana kaqpaq churantsu,pëqa imëkatam alli entiendin.
6 Pëqa mana alli nunakunata mana salvarpis,+sufrikaqkunapaqqa justiciatam ruranqa.+
7 Allita ruraqkunataqa rikarëkanmi,+y gobernaqkuna täkuyänanmanmi jamatsin,+y imëpis reqishqa kayänantam permitin.
8 Peru jutsata* rurayanqampita cadenarkur apayaptin,y waskawan shawashqanö imëkanöpa sufriyaptinqa,
9 orgullösu karnin mana allikunata rurayanqantamcläru rikätsin.
10 Correginqanta wiyayänampaqmi pëkunapa rinrinkunata kichanqa,y mana alli rurëkunapita witikuyänampaqmi consejanqa.+
11 Tsëkunata cäsukur pëllata sirwiyaptinqa,imëkayoqmi kayanqa,y kushishqam kawayanqa.+
12 Peru mana cäsukoq kayaptinqa, espädawanmiwanutsiyanqa o wañutsiyanqa,+ imatapis manaraq alli yacharmi ushakäyanqa.
13 Contran këkaqkunaqa,* wakinkuna imatapis rurayanqantam yarparäkuyan,y castïguta chaskikarpis manam yanapëkunampaq rogakuyantsu.
14 Jövinllaraq këkarmi wanukuyan,+y jukwan jukwan kakoq* ollqukunawan juntum ushakäyan.+
15 Peru mana allikunapa pasar sufreqkunataqaTeyta Dios yanapanmi, y mana alli tratashqa kayaptinmi shumaq parlapan.
16 Manaraq llakikuptikim yanapashunki,+y següru sitiumanmi apashunki, tsëchöqa manam llakikunkinatsu,+y imëka allikunata mikurmi shoqashqa këta tarinki.+
17 Tsëqa mana allita ruraqkunata castigar+justiciata ruranqantam rikanki.
18 Tsënö kaptimpis, ama cölerakur mana allita rurayäshunqëkita yarparäkunkitsu,+y imëkata äniyäshuptikipis ama alli kaq rurëta dejankitsu.
19 ¿Yanapëkuyäshunëkipaq qayëkachanqëkitsuraq,o imëkata ruranqëkitsuraq llakikuypita salvashunki?+
20 Ama paqas chämunanta shuyarëtsu,paqasyarkuptinqa nunakunam illakäriyan.
21 Sufrinëki kaptimpis alli kaqta rurë,ama mana alli kaqtaqa rurëtsu.+
22 Teyta Diostaqa puëdeq kanqampitam alabayan.
Manam ni pï yachatsikoqpis pëwanqa igualantsu.
23 ¿Pitan Teyta Diosta imata ruranampaqpis mandan+o pitan ‘mana allitam rurëkanki’ nin?+
24 Imëka ruranqampita ama alabëta qonqëtsu,+tsëkunapitaqa nunakunapis cantayanmi.+
25 Ruranqantaqa llapan nunakunam rikäyashqa,y wanoqlla nunakunaqa karullapitam rikäyan.
26 Teyta Dios puëdeq kanqantaqamanam entiendita puëdintsiktsu,+y ëka wata kawanqantapis manam musyëta puëdintsiktsu.+
27 Pëqa yakuyoq pukutëtam ciëluman witsätsin,+y tsë pukutëmi tamya yakuman tikran.
28 Tsëpitanam pukutëchö yakuqanunakunaman tamyamun.+
29 ¿Pitan entiendita puëdin mëtsika pukutë,y wayimpita yarqoq räyukuna imanö kanqanta?+
30 Pëqa pukutë rurimpitam räyukunata tillapyätsimun,+y lamar rurintam yakuwan tsaparkun.
31 Tsëkunata ruranqanwanmi nunakuna mikuyänampaqmëtsika mikuyta jeqatsimun.+
32 Pëqa chikeqninkunata ushakätsinampaqmi räyuta mandan,y munanqanmanmi chätsin.+
33 Räyukunaqa pëpitam willakuyan,y animalkunapis pï* shamunqantam willakuyan.
Nötakuna
^ Kënöpis niyanmi: pecäduta.
^ O “Teyta Diosta mana respetaqkunaqa”.
^ O “oqllanakoq”.
^ O “ima”.
