Bibliachö willakunqan:

• Ec 12:1-8. Gobernanti Salomonqa edäyë vïda imanö kanqampaqmi parlarqan. “Ventänapa rikachakoq warmikuna manaraq ampïpakuyaptin o tsakäpakuyaptin” nirqa, nawinkuna manana shumaq rikanqampaqmi parlëkarqan. Y, ‘shipashkuna cantaqta manana wiyar’ nirqa, shumaqqa manana wiyayanqampaqmi parlëkarqan.

Bibliachö willakunqan:

• 1Sa 12:2, 23. Diospa willakoqnin Samuelqa cuentatam qokurqan edäyashqana karpis israelïtakunapaq Jehoväman mañakur sïguinqan allipa yanapakunqanta.

• 2Sa 19:31-39. Davidqa alläpam Barziläita agradecikurqan edäyashqana këkarpis yanapanqampita. David gobernanqan wayiman yanapakoq ëwanampaq niyaptinmi Barziläiqa humildi karnin mana puëdinampaq kaqta nirqan.

• Sl 71:9, 18. Davidqa edäyashqana karmi alläpa yarpachakurqan, Jehoväta sirwita manana puëdinampaq kaqtam pensarqan. Tsëmi Jehoväta mañakurqan mana dejëkunampaq, y qepa nunakunata Palabrampita yachatsir sïguinampaq yanapëkunampaqmi rogakurqan.

• Lü 2:36-38. Änaqa edäyashqanam karqan, peru Jehoväta mana dejëpa sirwinqampitam Jehoväqa bendicirqan.

Bibliachö willakunqan:

• Ge 12:1-4. Abrahan 75 watayoqna këkaptinmi Jehoväqa markampita ëwakunampaq nirqan, y tsëta rurëqa manachi fäciltsu karqan.

• Da 10:11, 19; 12:13. Daniel 90 watapitapis masyoqna këkaptinmi juk angel yuripurnin nirqan Jehovä alläpa kuyanqanta y mana dejëpa sirwinqampita bendicinampaq kaqta.

• Lü 1:5-13. Zacarïaswan Elisabet edäyashqana këkäyaptimpis Jehoväqa permitirqanmi juk wamrankuna kanampaq.

• Lü 2:25-35. Simeonqa alläpa awkinnam karqan, tsëmi manaraq wanukuptin Jesucristuta reqinampaq Jehoväqa permitirqan. Simeonqa Jesusta ima pasanampaq kaqtam willakurqan.

• Hch 7:23, 30-36. Moises 80 watayoqna këkaptinmi Jehoväqa sirweqninkunata diriginampaq mandarqan.

Bibliachö willakunqan:

• Ge 45:9-11; 47:12. Jacob alläpa awkinna kaptinmi wamran Josëqa wayinman apakurqan wanukunqanyaq cuidanampaq.

• Rut 1:14-17; 2:2, 17, 18, 23. Rutqa edäyashqana suegran Noemïtam yanaparqan, y shumaq parlaparmi animarqan.

• Jn 19:26, 27. Qeruchö wanunampaqna këkarmi Jesusqa apostol Juanta encargakurqan mamänin Marïata cuidëkunampaq.