7 KAQ YACHAKUNËKIPAQ
¿Pitan Jesusqa?
Jehovämi kë Patsaman Jesusta mandamurqan (1 Juan 4:9).
Adanta manaraq kamarmi, Jehoväqa juk puëdeq angelta ciëluchö kamarqan. Kë angelta wiyakunatam Teyta Jehoväqa munan.
Kamanqampita tiempu pasariptinmi, Patsachö juk llullu wamranö yurinampaq permitirqan. Marïa jutiyoq shipashmi Belenchö qeshpikurqan. Y tsë wamratam Jesus nir jutin churayarqan (Juan 6:38).
Patsachö këkarmi Jesusqa Teytan Jehovänö alli y kuyakoq kanqanta rikätsikurqan. Tsëmi nunakunaqa pëman witiyaq. Teyta Diospitapis mana mantsakushpam nunakunata rasumpa kaqta yachatsirqan.
Allikunata ruraptimpis, Jesustaqa pïmëmi chikiyarqan (1 Pëdru 2:21-24).
Qeshyëkaqkunatapis alliyätsirqan y wanushqakunatapis kawaritsirqanmi.
Mana alli yachatsikuyanqanta y mana alli portakuyanqanta Jesus niptinmi, dirigeq religiösukunaqa chikiyarqan.
Dirigeq religiösukunaqa romänu nunakuna Jesusta maqar wanutsiyänantam lograyarqan.
Capaz këkunapis gustashunki
¿IMAPITATAQ BIBLIA WILLAKUN?
Mesïas chäramun
¿Imanötaq angelkunata y Bautisaq Juanta Jehovä utilisarqan Jesus Mesïas kanqanta rikätsikunampaq? ¿Imanötaq Jehovä Tsurinta reqirirqan Mesïastanö?
¿IMAPITATAQ BIBLIA WILLAKUN?
Diospa Gobiernompita Jesus yachatsikun
¿Imataq Jesuspa precisaq yachatsikïnin karqan? ¿Imanötaq rikätsikun kuyakïwan allikunata rurar gobernamunampaq kaqta?
