Achca gentecunaca: “Tucui gentecunata mana nunca igual tratai tucungacunachu” nishpami yuyancuna.

•   António Guterresca: “Tucui llajtacunapimi racismo tiyan. Racismoca veneno shinami. Tucuicunata mana igual ricushcamantami institucioncunapi, gentecunapurapipish mana alli tratanacuncuna” ninmi (secretario general de las Naciones Unidas).

 ¿Ima horaca tucuicuna igualchu tratashca canga? ¿Caimantaca Bibliaca imatataj yachachin?

 Bibliapica chꞌican chꞌican razacunamanta caj gentecunata Yaya Dios ima shina trataj cashcatami yachachin.

•   Hechos 17:26-pica: Diosca “tucui cai allpa pachapi causachunmi shuj runallamanta tucui laya gentecunata rurarca” ninmi.

•   Hechos 10:34, 35-pica: “Diospaj ñaupajpica tucuicuna chashnallataj cashcata, paica maijan llajtamanta cajpipish paita manchashpa, allita rurajtami chasquin” ninmi.

 Bibliapica tucui laya gentecuna shuj familia cashcatami yachachin. Shinallataj Diosca tucui laya gentecunata alli tratashcatami yachachin.

 Diospaj Gobiernomi gentecunata por igual tratachun ayudanga. Chai tiempopica gentecunapaj shungupica racismoca ña mana tiyangachu.

•   “Isaías 26:9-pica: ‘Cai pachapi causajcunaca cashcata ruranaca ima cashcatami yachangacuna’ ninmi.

•   Isaías 32:17-pica: “Cashcata ruraj mandaj mandashcamantami sumaj causai tiyanga. Cashcata rurashpa mandacujpimari samarinapish, ima manchai illajlla canapish huiñaita canga” ninmi.

 Cunan punllacunapica achca gentecunami Bibliata yachashpa shujtajcunata respetohuan alli tratanata yachashcacuna.

•   Caimanta ashtahuan yachasha nishpaca “¿Yangamanta juzganaca tucuringachu?” nishca temata Rijchari revistapi yachai.

•   Cai temamanta cambaj familiahuan parlangapajca “¿Cómo hablar con sus hijos sobre el racismo?” nishcata liyi.