Cada huatami achca terremotocuna tiyan. Huaquin terremotocuna mana tanto dañota rurajpipish shujtaj terremotocunaca achca dañotami ruran. Cai terremotocunamantami llaquicuna, huañuicuna tiyashca. Huaquin terremotocunaca mama cuchamanta yacuta jatarichishpami achca gentecunata huañuchishca. ¿Cai jatun terremotocunamantaca Bibliapica imatataj huillarca?

Caitami yachashun

•  ¿Terremotocunamantaca Bibliaca huillanchu?

•  ¿Cunan punllacunapi tiyaj terremotocunamantaca Bibliaca huillarcachu?

•  ¿Terremotocunamanta Biblia ima nishcataca imamantataj yachana canchij?

•  Bibliapi tiyaj profeciacunamanta, terremotocunamantapish huaquin panda yuyaicuna

 Jesús parlashca shuj profeciapi terremotocunamanta ima nishcatami huillan. Jesús ima nishcaca cai catij versocunapimi quillcashca can:

 Mateo 24:7-pica: ‘Mama llajtaca caishuj mama llajtahuan macanacungacunami, shinallataj jatun mandajcunapurapish macanacungacunami. Yaricaicuna, chꞌican chꞌican llajtacunapi pamba chujchushpa allpa tꞌimburicunapishmi tiyanga’ ninmi.

 Traducción del Nuevo Mundo Bibliapica, Marcos 13:8-pica: “Shuj mama llajtaca caishuj mama llajtahuanmi macanacunga. Shuj gobiernoca caishuj gobiernohuanmi macanacunga. Chꞌican chꞌican llajtacunapimi terremotocuna, yaricaipish tiyanga” ninmi.

 Lucas 21:11-pica: “Chꞌican chꞌican llajtacunapi pamba chujchushpa allpa tꞌimburicunami tiyanga. Achca yaricai, millai ungüicunapishmi tiyanga” ninmi.

 Jesusca ‘chꞌican chꞌican llajtacunapi pamba chujchushpa allpa tꞌimburicuna o terremotocunami’ tiyanga nircami. Shinallataj chai tiempollapitaj guerracuna yaricaicuna ungüicuna tiyana cashcatami huillarca. Tucui caicunaca cai pachapaj ruraicuna tucurina cashcata o ‘tucuri punllacunapi’ causacushcatami ricuchin (Mateo 24:3; 2 Timoteo 3:1). Bibliata yachacushpaca tucuri punllacuna 1914 huatapi callarishcatami intindinchij. Cai punllacunaca manaraj tucurishcachu.

 Ari. Jesús parlashca terremotocunamanta, caishuj terremotocunamanta cunan punllacunapimi pajtaricun. 1914 huatamanta 1.950 yalli jatun terremotocunami tiyashca. Cai terremotocunapimi dos millón yalli gentecuna huañushca. a Caimanta huaquin ejemplocunatami ricushun.

 Huata 2004 Oceano Índicopica magnitud 9,1 nishca jatun terremotomi tiyarca. Cai terremotopimi mama cucha yacu jatarishpa chai ladopi causaj casi 225.000 gentecunata huañuchirca.

 Huata 2008 China llajtapica magnitud 7,9 nishca jatun terremotomi tiyarca. Cai terremotoca achca llajtacunatami tucuchirca. Shinallataj casi 90.000 gentecunatami huañuchirca. Cutin casi 375.000 gentecunapish ungushcami saquirirca. Achcacunapishmi huasi illaj saquirircacuna.

 Huata 2010 Haití llajtapica magnitud 7 nishca jatun terremotomi tiyarca. Chai terremoto pasashca qꞌuipami allpaca sinchita chujchushpa saquirirca. Chaimantami 300.000 yalli gentecuna huañurca. Cutin shuj millón yalli gentecunami huasi illaj saquirirca.

 Huata 2011 Japón llajtapica magnitud 9 nishca jatun terremotomi tiyarca. Chai jatun terremoto tiyashcamantami mama cuchamanta yacu jatarishpaca 18.500 gentecunata huañuchirca. Ashtahuanpish achcacunaca chai lugarmantami llujshina carcacuna. Shinallataj cai jatun terremotomanta Fukushima nishca jatun fabricapishmi dañarirca. Chai fabricamanta llujshicuj gasca libre huairata mapayachirca. 10 huatacuna pasashca qꞌuipapish huaira mapa cashcamantami casi 40.000 gentecuna paicunapaj huasicunaman mana tigrai tucushcacuna.

 Terremotocunamanta Bibliapi ima nishcaca ñalla ima tucuna cashcatami ricuchin. Jesusca: “Ñuca huillashcacuna pajtacujta ricushpapish Taita Dios ña mandagrishcata yachanguichij” nircami (Lucas 21:31).

 Bibliaca Diospaj Mandana o Diospaj Gobierno jahua pachapi de verdad tiyashcatami yachachin. Cai Gobiernopica Jesusmi rey can. Jesusca paita catijcunamanca Diospaj Gobiernomanta mañachunmi yachachirca (Mateo 6:10).

 Jatun acapanacuna, derrumbocuna, terremotocuna tiyashcamanta achca gentecunami sufrishca (Isaías 32:18). Huaquincunaca ungushcami saquirishca. Cutin shujtajcunaca terremotomantami mashna sufrishcata mana cungari tucushcacuna. Pero Diospaj Gobierno cai Allpata mandacushpaca tucui caicunatami tucuchinga (Isaías 65:17; Apocalipsis 21:3, 4). Caimanta ashtahuan yachangapajca “¿Diospaj gobiernoca imatataj ruranga?” nishca temata ricui.