Huámaj siglupi suj utula grupu «apostulesmanta y huauckes capacitasckasmanta Jerusalenpi» suj junta directiva formarancu decisiones importantes ʼruáypaj, yanapáypaj túcuy congregaciunesta cristianus ungidusmanta (Hechos 15:2). Cusca decidíypaj allít escriturasta estúdiaj carancu, Yáyap espiritun guiacunanta sáckej carancu (Hechos 15:25). Junta directiva cunan punchaumanta quiquinta ’ruancu y cá junta Grupu supervisajcuna huajyacun.

Yaya munasckanta ’ruan. Huauckes ungisckas ima Grupu Supervisajcuna formancu ashca interés apincu Yáyap ’Rimayninpi y ashca esperiencia apincu imaina llámcay organisacunan tían y Bibliamanta yachachíypaj. Túcuy miércoles tantanacuncu ckaáypaj huauckes túcuy mundumanta precisasckancuta. Imaina huámaj siglupi ’ruácoj cara Jishu huañusckanmantapacha, instrucciunesta Bibliamanta ckoncu cartasuan o huauckesuan visitajcuna congregaciunesta y sujcuna huauckesuan. Cay yanapan Yáyap pueblunta quiquin pensanancúpaj y cuscas llamcanancúpaj (Hechos 16:4, 5). Astaanpas, paycuna supervisancu revistas y librus ’ruacuptincu, organisancu túcuy mundupi predicacunánpaj, y encargasckas sackencu sujcuna huauckesta esperienciáyoj nombramientusta ’ruanancúpaj.

Yaya espíritu santuan guiacun. Grupu Supervisajcuna Yáyap pueblunta guiáypaj, Jehóvap guianta mascan y Jishumantapas (1 Corintios 11:3; Efesios 5:23). Paycuna mana ’ruacuncu patrones Yáyap pueblunmanta. «Manapé Jishút seguis ’rincu mana importas mayman ’rin», quiquin cristianus unaymanta (Revelación 14:4). Grupu Supervisajcuna agradeceaycu paycunaraycu oraptiycu.

• ¿Picunas junta directiva formarancu Yáyap pueblunta guiáypaj huámaj siglupi?

• Grupu Supervisajcuna, ¿imaina cunan punchau Yáyap guianta mascan?