Biblia ’riman íshcay grupus ckarismanta ima congregaciunta atendencu: «huauckes capacitasckas y huauckes capacitasckas yanapajcuna» (Filipenses 1:1). Huaquin congregaciunes ashca cá ckarismanta apincu. Huauckes capacitasckas yanapajcuna, ¿ima llámcay ’ruancu nockaycuraycu?

Huauckesta capacitasckas yanapancu. Huauckes capacitasckas yanapajcuna ckaris espirituales, confiables y llamcajcuna cancu, huaquin mosos cancu y huaquin moroyasckas. Ocupacuncu túcuy imastis ima congregaciunpi ’ruacunan tían, chá sapa semanapi. Chayna huauckes capacitasckas congregaciunta yachachiyta y cuidayta atincu.

Paycuna alli llamcayta ’ruancu. Huaquin huauckes capacitasckas yanapajcuna alliamuscka ckoncu picunastas tantacunasman amuncu y nipucuncu maypi tiacuyta. Sujcuna sonidumanta ocupacuncu, publicaciunesta entregancu, cuentasta atendencu y territorius predicáypaj ckoncu picunasta congregaciunmanta cancu. Yanapancu Huasi tantacunasmanta pichas y allichas y huauckesta moroyasckas yanapancu imaina Huauckes capacitasckas nipucuncu. Mana importas ima llámcay ’ruanancu tían, ’ruáypaj alli disposiciun apincu y respetanaycu tían (1 Timoteo 3:13).

Alli ejemplu ckoncu ckaris espirituales ina. Huauckes capacitasckas yanapajcuna alli cualidares espiritualesraycu ajllasckas cancu. Discursusnincu ima tantacunaspi ckoncu feycuta sinchiachincu; ejempluncu predicaciunpi yanapaaycu entusiasmút apinaycúpaj, y alli disposiciunnincu yanapáypaj cusichiaycu y tucuycunát cuscayachiaycu (Efesios 4:16). Tiempu crusaptin, paycunapas huauckes capacitasckas cayta atincu.

• Huauckes capacitasckas yanapajcuna, ¿ima layas ckaris cancu?

• ¿Imaina huauckes capacitasckas yanapajcuna yanapancu congregaciunpi túcuy allít ’ruacunánpaj?