Manáraj huañus, Jishu nera: «Cá alli noticias reinumanta predicaconcka tucuycunata ima ashpapi causashcancu, yachanancunápaj túcuy naciones; y chaymantá fin ámoj ’rin» (Mateo 24:14). ¿Imaina túcuy Ashpapi predicacuyta atin? Seguis Jíshup ejemplunta ima pay sackera áicap Ashpapi tiara (Lucas 8:1).

Persunastas huasisnincunapi visitaycu. Jishu discipulusninta yachachera predicayta alli noticias huasi huasimanta (Mateo 10:11-13; Hechos 5:42; 20:20). Cá huámaj predicadores territoriusta predicáypaj chasquerancu (Mateo 10:5, 6; 2 Corintios 10:13). Quiquin cunan predicaciunniycu alli organisascka tían, y sapa congregaciun suj territoriu predicáypaj apin. Chayna, Jishu cachasckanta cumpliyta atiycu, gentét predicayta y «túcuy testimoniút» ckoyta (Hechos 10:42).

Esforsacuycu genteman chayáypaj máypij cachun tiachuncu. Jishu ejemplút churara predicas maypi ashca gente tiara, mar laupi o suj pósup launpi (Marcos 4:1; Juan 4:5-15). Nockaycupas, Jishu ina, máypij cachun ima atiycu Bibliamanta ’rimaycu: callespi, huellaspi, ñanpi, negociuspi, bancospi, hospitalespi o telefonoan. Áicap suj ocasiun apiycu, vecinusniycutapas predicapucuycu, compañerustas llamcayniycumanta, escuelamanta y aillusniycuta. Chay ’ruara ima ashca, ashca personas túcuy mundumanta uyarinancuta «alli noticiasta ckeshpiymanta» (Salmos 96:2).

Pénsay pít alli noticiasmanta Yáyap Reinunmanta ’rimapuyta munanquiman, imaina yanapayta atin suj alli ámoj pachát apinánpaj. Cá noticia suyanamanta mana ckamllápaj huackaichaychu. Huámaj oportunidar ima apinqui, ’rimápuy.

• ¿Ima alli noticias ’rejsichíypaj tían?

• ¿Imaina Jehóvap testigusnin Jíshup ejemplunta predicaciunpi yachapiaycu?