Dios tucuira ricuna ushan, paihua ushaira pai munashcai utilizan (Proverbios 15:3; Hebreos 4:13). Shinajpi, Biblia mana yachachin pai tucui partiunai, tucui cosasgunai tiashcara. Maspas, yachachin shu espíritu ashcara shinallara shu lugar causangaj charishcara.

•   Dios imasna an: Pai shu espíritu an (Juan 4:24). Chiraigu, runauna paita mana ricuna ushanun (Juan 1:18). Biblia rimashca ricuchishcaunai, Dios tucui huras shu lugarllai ricurin. Biblia mana riman tucui partiunai tiashcara (Isaías 6:1, 2; Apocalipsis 4:2, 3, 8).

•   Maibi causan: Dios ahua pachai causan, ahua pacha causana mana Allpai causana cuinta an. Biblia nin “ahua pachai” Dios shu ‘causaushca lugar’ charishcara (1 Reyes 8:30). Biblia cuintan shu cuti angelguna “paihua puistura apingaj icunuca Jehová ñaupai”,  a cai ricuchin Dios shu lugarllai causashcara (Job 1:6).

Dios mana tucui partiunai tiajpi, ¿sirtu pacha ñucanchira cuirana ushanzhu?

 Ari. Pai ahua pachai causashas, tucui Allpai causajcunamanda ashcara llaquirinmi. Tucui huras paita casungaj munaj runaunara ricun, shinallara yanapan (1 Reyes 8:39; 2 Crónicas 16:9). ¿Imasnara ricuchin ñucanchimanda llaquishcara cuirashcaras?

•   Mañashcai: Jehová ñucanchi mañashca hurasllaira uyan. (2 Crónicas 18:31).

•   Llaquirishca ashcai: “Jehová yapa llaquirishca shunguyujcunama mayanlla tian; yapa turbarishca sintirijcunara quishpichinmi” (Salmo 34:18).

•   Shu camachina ministishcai: Jehová paihua Shimihua, ñucanchima yachanara cun, ali ñambii puringaj pushan (Salmo 32:8).

Dios tucui partiunai tiashcamanda panda iyaiguna

 Huaquinguna quirinun: Salmo 139:8 rimashcamanda quirinchi Yaya Dios tucui partiunai, tucui cosasgunai tiashcara, chibi nin: “Ahua pachama sicasha chibi tianguimi, pambashca uctui sirisha chillaira can tianguimi”.

 Biblia sirtu yachachina: Cai texto mana yachachin Yaya Dios tucui partiunai chi hurasllaira tiashcara, maspas intindichina munan maican partiunai ñucanchi ajpis pai yanapana ushanmi.