Iyari, shu llaquij mama paihua huahuara alichiun escuelama richu. Pai alira ricun paihua huahua armashca achu, paihua churana limpio achu. Cai yanapan huahua ama unguchu shinallara paihua yayauna paimanda preocuparishcara ricuchinun. Yayauna munashcasna paiguna churiuna limpio ricurinuchu shinallara ñucanchi Yaya Jehová munanmi ñucanchi iyarinai, rimanai, ruranai, aichais limpio achu. Limpio causana ñucanchihuajllara ali an, Yaya Diostas ahuayachin.

1. ¿Imasnara ñucanchi aichai limpio ana anchi?

Jehová ñucanchira nin: “santu aichi” (1 Pedro 1:16, TNM). Ñucanchi santu ashcara ricuchingaj ñucanchi aichai, iyarinai, rimanai, ruranais limpio ana anchi. Ñucanchi aichai limpio ashcara ricuchinchi tucui huras armasha shinallara ñucanchi churarinara, huasira, auturas limpio ordenado charisha. Reinomanda Tandarina Huasiras pichasha yanapana ushanchi. Ñucanchi limpio ashcara ricusha shujcuna Jehová Diosta alabanunga (2 Corintios 6:3, 4).

2. ¿Ima tunu ruranaunara saquina anchi limpio angahua?

Biblia casna camachin: “Pichashunchi ñucanchira ima aicha ismunamandas, ima alma ismunamandas” (2 Corintios 7:1). Chiraigu ñucanchi aichara ñucanchi iyairas mana imas huajlichichu cuirarinchi. Jehová ñaupai ali ricuringaj munashcamanda ashcara ursarinchi manali iyaigunara saquingaj (Salmo 104:34). Shinallara ali shimihua tucui huras rimangaj ursarinchi (leai Colosenses 3:8).

¿Ima mas ñucanchi aichara ñucanchi iyairas huajlichina ushan? Huaquin ruraiguna ñucanchi aichara huajlichina ushan. Chiraigu caigunara mana utilizanchi, rimashun tabacura mana chupanchi, coca pangara mana shimi ucui mucusha charinchi, ambi muyura mana yangamanda upinchi, shuj drogagunaras mana utilizanchi. Caita mana rurasha ñucanchi causaira cuiranchi, respetanchi. Shinallara ñucanchi iyaibi limpio angahua ursarinchi cai irus ucha ruranaunamanda caruyangahua, masturbación a nishcara ruranamanda, pornografía b nishcara ricunamandas (Salmo 119:37; Efesios 5:5). Maicambi cai tunu manali ruraigunaras saquingaj shinzhi ajpi Jehová yanapaihua saquina usharinmi (leai Isaías 41:13).

 MAS YACHAI

3. Limpio causana Jehová Diosta ahuayachin

Jehová israelitagunama cushca leygunara leasha intindinchi Jehová Dios ashcara valichin paita sirvijcuna limpio anara. Leaichi Éxodo 19:10; 30:17-19, huasha catij tapuigunamanda rimaichi:

• Cai versiculoguna ricuchishca cuinta ¿imasnara Jehová ricun limpio anara?

• ¿Ima rurana limpio causangaj yanapan?

Limpio causanaga timpu ministirin, ursarinas ministirin. Shinajpis maibi causashas ashcara charij o pugri ashas limpio causana ushanchi. VIDEORA ricuichi, huasha catij tapuimanda rimaichi:

• Runaunara Bibliamanda yachachiushcai ñucanchi cosasguna limpio ashcara ricusha ¿imarasha runauna Jehová Diosta mas respetanuchu yanapanga?

4. Manali ruraigunara vinsi

Can tabacura chupaj asha drogara utilizaj asha, intindinguichari caigunara saquingaj shinzhi ashcara. Camba causaibi problemagunara imasna apamushcara ali riparasha iyarinas yanapangami. Leaichi Mateo 22:37-39, huasha catij tapuigunamanda rimaichi:

• ¿Imasna tabacu chupana, drogaguna utilizana Jehová Dioshua amigo tucunara huajlichina ushan?

• ¿Imasna tabacu chupana, drogaguna utilizana camba quiquin aillura, shujcunaras huajlichina ushan?

Iyari imasna saquina ushangui manali ruraigunara. c VIDEORA ricuichi.

Leaichi Filipenses 4:13, huasha catij tapuimanda rimaichi:

• Diosta mañana, Bibliara estudiana, tandarinaunama rinas ¿imasnara manali ruranara saquingaj yanapan?

 5. Manali ruranara, manali iyairas saquingaj ursari

Leaichi Colosenses 3:5, huasha catij tapuigunamanda rimaichi:

• Ucha rasha ricuchishcara ricuna, irus ucha fotogunara, rimaigunara, videogunara, mensaje cachasha, masturbación nishcara rurasha ¿imasnara yachanchi Diospa ñaupai caiguna tucui irus ajta?

• ¿Imarasha Dios munan ñucanchi causaibi ñucanchi iyaibi limpio achu?

Irus iyaigunara imasna saquinara yachangaj cai VIDEORA ricuichi.

Ñucanchi causaibi limpio anara yachachingahua Jesús shu ejemplohua yachachica. Leaichi Mateo 5:29, 30, huasha catij tapuimanda rimaichi:

• Jesús mana nicachu ñucanchi aichara llaquichingaj, chi randi manalira shu rai saquingaj ruranara nica. ¿Imara rurana anchi irus iyaigunara ama charingaj? d

Irus iyaigunara saquingaj ursariujpi, Jehová can ursariushcara yapa valichin. Leaichi Salmo 103:13, 14, huasha catij tapuimanda rimaichi:

• Irus iyaigunara saquingaj ursariujpi ¿imasnara cai textoguna canda yanapanga ñaupajma catingaj?

 IMARA YACHASHCANGUI

Ñucanchi iyaibi, ñucanchi aichaibi, ñucanchi causaibi limpio asha Jehová Diosta cushiyachinchi.

Iyaringaj

• ¿Imarasha limpio ana ministirishca an?

• ¿Imara rurana anchi ñucanchi aichaibi limpio angahua?

• ¿Imara rurana anchi ñucanchi iyaiguna rurashcaunas tucui huras limpio achu?