LECCIÓN 01
¿Imasnara Biblia canda yanapana ushan?
Ashca runauna tapuigunara charinchi llaquiunamanda, huañuimanda, shamuj punzhaunamandas. Shinallara yanapaira ministinchi turmindusgunara alichingaj, imasna ministishca cullqui ganangaj, ministishca cosasgunara charingahua shinallara cushi aillu charingahuas. Ashca runauna riparanushca Biblia cai valishca tapuigunara cutipan shinallara gustu camachishcaunara ñucanchi causaibi pactachingaj. ¿Biblia camba ailluunara yanapana ushanzhu?
1. ¿Maican tapuigunara Biblia cutipan?
Biblia cai valishca tapuigunara cutipan: causaiga ¿maimanda tiai callarica? ¿ima rangahua causanchi? ¿imarasha mana culpayuj runauna llaquiunara charinun? huañushca huasha ¿imara tucunchi? ¿imarasha ashca guerraguna tianun tucuiguna ganaslla causaira munashas? cai Allpa ¿imara tucunga? Biblia yanapan cai tapuigunara cutipangaj, huaranga huaranga runauna cushihua cai cutipanaunara tupanushca.
2. ¿Imasnara Biblia ñucanchira yanapan cushi causangahua?
Biblia gustu camachishcara cun. Ailluunara yachachin sirtu cushihua causangahua. Ricuchin imara rurana anchi turbarishca sintirishcai, cushi sintiringaj tarbashcai. Ñucanchihua parijulla cai yachachishcara yachausha catiushcai, can yachaunguimi Biblia ima nishcara cai temagunamanda shuj temagunamandas. Sirtu pacha ninguimi “tucui Dios Quillcashca [tucui Biblia rimashca] [...] valinmi” (2 Timoteo 3:16).
Cai publicación mana Bibliachu an. Shinajpi canda yanapanga Bibliara ali ricsingaj. Chiraigu animanchi cai lecciongunai tiaj Bibliamanda textogunara leangaj, shinallara can ña yachaushcahua iyaringaj.
MAS YACHAI
Ricushun imasna Biblia shuj runaunara yanapashca, astaumbas imara rurana anchi Bibliara cushihua leangaj, imarasha valishcami an shu runa ñucanchira yanapachu Bibliara intindingaj.
3. Biblia ñucanchira pushanmi
Biblia shu sindichij linterna cuinta ñucanchi ñambira punzhayachina ushan. Ali decisiongunara apingaj yanapana ushan shinallara shamuj punzhaunai ima tucungaraushcara yachangaj.
Leaichi Salmo 119:105, huasha catij tapuigunamanda rimaichi:
-
Cai Salmora quillcaj runa ¿imara iyaca Bibliamanda?
-
Can ¿imara iyangui Bibliamanda?
4. Biblia ñucanchi tapuigunara cutipan
Shu huarmi ashca huataunamanda mascaushca cutipanaunara Bibliai tupaca. VIDEORA ricuichi, huasha catij tapuigunamanda rimaichi:
-
Videoi ricurij huarmi ¿ima tunu tapuigunara charica?
-
¿Imasnara paita yanapaca Bibliara estudiana?
Biblia ñucanchira animan tapuigunara rurangaj. Leaichi Mateo 7:7, huasha catij tapuimanda rimaichi:
-
¿Quiringuichu Biblia camba tapuigunara cutipana ushashcara? ¿Maicanguna?
5. Can Bibliara cushiyasha leana ushangui
Ashca runauna Bibliara cushiyasha leanun shinallara yanapaira chasquinun. VIDEORA ricuichi, huasha catij tapuigunamanda rimaichi:
-
Videoi ricurij maltauna ¿imara iyarinun leanamanda?
-
Shuj librogunara mana leana gustashallara ¿imarasha Bibliara leana munanun?
Biblia cushiyachij yachachishcaunara gustu chapanaras ñucanchira cun. Leaichi Romanos 15:4, huasha catij tapuimanda rimaichi:
-
¿Mas yachangaj munanguichu Biblia cushiyachij chapana shimiunamanda?
6. Shujcuna yanapaihua Bibliara intindina ushanchi
Maicambi ali an canllara Bibliara leana, shinajpi ashcaunara yanapashca Bibliara yachangaj shuj runahua. Leaichi Hechos 8:26-31, huasha catij tapuimanda rimaichi:
-
Bibliara intindingaj ¿imara yanapanga? (Versículo 30, 31 ricuichi).
Etíope runa ministishcami shu runa Dios quillcashcaunara intindichichu. Cuna punzhaunai ashcaunara yanapashca shu runa Bibliamanda yachachichu.
RUNAUNA CASNA NINUJPI: “Yangamanda Bibliara estudiaungui”.
-
¿Imara cutipanguima? ¿Imarasha?
IMARA YACHASHCANGUI
Biblia camachishcara cun cushi causangahua, valishca tapuigunara cutipan, shinallara cushiyachij chapana shimiunaras cun.
Iyaringaj
-
¿Ima tunu camachishcaunara Bibliai tupanchi?
-
¿Maican tapuigunara Biblia cutipan?
-
¿Imara Bibliai tupana munangui?
RICUNGUI
Ricui imarasha Biblia camachishcauna valirishca anun cuna punzhaunai.
“Tucui huras Biblia yachachishca valishcami” (La Atalaya, núm. 1 2018)
Ricui imasna Biblia shu runara yanapaca huahua hurasmanda manali sintishcara vinsingaj.
Ricui Bibliai tiaj yachachishcaunara cushi aillu charingahua.
“12 yachachishcauna yanapan cushi aillu charingahua” (¡Despertad!, núm. 2 2018)
Ricui imasna Biblia gustu intindichin pi cai mundura mandaushcara.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
