Jesusta chiqniq runakunam nirqaku: “Dios tukuchkankim”, nispanku (Juan 5:18; 10:30-33). Ichaqa, payqa manam haykapipas nirqachu tukuy atiyniyuq Dios kasqantaqa. Aswanmi nirqa: “Taytayqariki ñuqamantaqa aswan atiyniyuqmi”, nispa (Juan 14:28).

 Jesuspa qatiqninkunapas manam haykapipas nirqachu Jesus tukuy atiyniyuq Dios kasqantaqa. Apostol Pablom Jesuspa kawsarimusqan qipata kaynata qillqarqa: “Diosqa ñawpaqpi imayna kasqanmantapas astawanraq hatuncharun”, nispa. Pabloqa manam nirqachu Jesus tukuy atiyniyuq Dios kasqantaqa. Chaynata nispanqa, ¿imaynamá ninman karqa Diosmi astawanraq hatuncharun nispanqa? (Filipenses 2:9).