Bibliaqa runakunapaq Diospa munaynin ima kasqantam willawanchik. Chaymi bibliaqa Diospa palabran. Bibliaqa yachachiwanchikmi imayna kusisqa kayta hinaspa imaynata Diospa sunqun kusichiyta. Bibliaqa willawanchiktaqmi kay tapukuykunamantapas:

Bibliapim kachkan 66 librokuna. Bibliaqa iskayman rakisqam kachkan. Punta kaqmi Genesismanta Malaquiaskama (hebreopi hinaspa arameo rimaypi qillqakuna). Iskay kaqñataqmi Mateomanta Apocalipsiskama (griego rimaypi qillqakuna). Chay librokunatam wakinqa sutichanku “Ñawpaq testamento” nispa hinaspa “Musuq testamento” nispa. Bibliaqa capitulokunapi hinaspa versiculokunapi rakisqam kachkan. Maypipas leenapaq rikuriptinqa puntatam rikurin libropa sutin, punta kaq numerom capitulon, qatiqnin numeroñataqmi versiculon. Kaynam kanman: Genesis 1:1. Chayqa Genesis 1 kaq capitulo hinaspa 1 kaq versiculo ninanmi.