“Kay libropi kamachikuykunamantaqa sapa kutim rimanayki, hinaspam tutapas punchawpas leespayki yuyaymananayki. Chaynapi qillqasqa kasqanman hina lliwta kasukunaykipaq. Chayta ruwaspaqa allinmi kawsakunki, hinaspapas yachaywanmi imatapas ruwanki”.

Josuey 1:8

“Diospa kamachikuyninkunamantaqa hinallam leerqaku llapallan runakuna uyarinankupaq. Entiendechirqakutaqmi ima ninan kasqantapas”.

Nehemias 8:8

“Mayna kusisqam mana allin ruwaq runakunapa nisqanta mana kasuq runaqa. [...] [Payqa] Jehova Diospa kamachikuyninkunawanmi kusikun. Kamachikuyninkunata tuta-punchaw leespanmi yuyaymanan. [...] Chayna runapaqa tukuy ima ruwasqanpas allinmi kanqa”.

Salmos 1:1-3

“Chaymi Felipe kallpaspan asuykurqa, hinaspam Isaiaspa qillqasqan librota kallpawan leesqanta uyarispan nirqa: ‘¿Entiendenkichu chay leesqaykita?’, nispa. Chay kamachiq runañataqmi nirqa: ‘¿Imaynataq entiendeyman pipas mana yachaykachiwachkaptinqa?’, nispa”.

Hechos 8:30, 31

 “Diospa imayna kasqanqa sutillataqmi qawakun kay pacha unanchasqa kasqanmantapacha, paypa imayna kasqantaqa riqsichwan tukuy ima unanchasqankunamanta yachaspam. Unanchasqankunapim qawachwan wiña-wiñaypaq atiyniyuq kasqanta chaynataq payqa Dios kasqantapas. Chaynaqa, manam ninmankuchu: ‘Diosmantaqa manam imatapas yacharqanichu’, nispaqa”.

Romanos 1:20

“Tukuy chaykunapiyá yuyaymanay, chaykunatayá tukuy sunquykiwan ruway, chaynapi Diosta servisqaykipi ñawparisqaykita llapallan runakuna sutillata qawanankupaq”.

1 Timoteo 4:15

“Chaymantapas llapallanchikyá sumaqta riqsinakuspa kallpanchanakusun kuyakuq hinaspa allin ruwaq kananchikpaq, amayá wakinkunapa costumbrasqanman hinaqa huñunakuyman riytaqa saqirusunchu”.

Hebreos 10:24, 25

“Mayqinnikichikpapas yachaynikichik pisilla kaptinqa Diostayá tukuy tiempo mañakuychik yachayta qusunaykichikpaq hinaptinqa quykusunkichikmi, payqa mana piñakuspa tukuy sunqunmanta achkanpi llapallanman quykuqmi”.

Santiago 1:5