Eclesiastes 3:1-22
3 Tukuy imapaqmi tiempo kan,kay pachapiqa tukuy imapas tiempoyuqllam.
2 Kanmi nacenapaq tiempo, kanmi wañunapaq tiempo,kanmi plantanapaq tiempo, kanmi plantasqa kaqta pilanapaq tiempo.
3 Kanmi wañuchinapaq tiempo, kanmi hampinapaq tiempo,kanmi tuñichinapaq tiempo, kanmi hatarichinapaq tiempo.
4 Kanmi waqanapaq tiempo, kanmi asinapaq tiempo,kanmi llakisqallaña kanapaq tiempo, kanmi tusunapaq* tiempo.
5 Kanmi rumita chuqanapaq tiempo, kanmi rumita muntunapaq tiempo,kanmi abrazanapaq tiempo, kanmi mana abrazanapaq tiempo.
6 Kanmi maskanapaq tiempo, kanmi manaña maskanapaq tiempo,kanmi waqaychanapaq tiempo, kanmi wikapanapaq tiempo.
7 Kanmi pachata llikinapaq tiempo,+ kanmi pacha siranapaq tiempo,kanmi upallanapaq tiempo,+ kanmi rimanapaq tiempo.+
8 Kanmi kuyanapaq tiempo, kanmi chiqninapaq tiempo,+kanmi wañuchinakuypaq tiempo, kanmi hawkayaypi kanapaq tiempo.
9 ¿Imatataq runaqa anchata llamkaspan chaskikunman?+
10 Rikurqanitaqmi runakunaqa Diospa kamachisqanman hina ruwayniyuqllaña kasqankuta.
11 Diosqa tukuy imatam tiempollanpi sumaqta ruwarqa.+ Wiñaypaq kawsakuy munaytam sunqunkupi churarun*, chaywanpas runakunaqa Diospa tukuy ima ruwasqantaqa manam entiendeyta atinmankuchu.
12 Yacharunitaqmi runapaqqa aswan allinqa wañukunankama kusikuywan allin kaqta ruway allin kasqanta.+
13 Yacharunitaqmi runapaqqa mikukuywan tomakuy chaynataq llamkasqanwan kusisqa kaynin ancha allin kasqantapas. Tukuy chaykunaqa Diosmantam hamun.+
14 Yacharunitaqmi Diospa tukuy ima ruwasqankunaqa wiñaypaq kasqanta. Paypa imapas ruwasqankunamanqa manam imatapas yapachwanchu nitaq qichuchwanchu. Diosmi tukuy chaykunataqa chaynata ruwarqa runakuna payta manchakunanpaq.+
15 Tukuy ima pasakunanqa ñam pasakurunña, imapas kananqa ñam karunña.+ Diosmi ichaqa maskasqa kaqkunata* maskachkan.
16 Kay pachapiqa rikurqanitaqmi allin ruway kananmantaqa mana allin ruway kasqanta, allin kaqta ruwanankumantaqa mana allinllatam ruwanku.+
17 Chaymi sunquypi nirqani: “Diosmi allin ruwaqtapas mana allin ruwaqtapas juzganqa,+ tukuy ima ruwaymi Diospaqqa tiempoyuqlla, imapas tiempoyuqllam”, nispay.
18 Sunquypiqa nirqanitaqmi runakunataqa suysuchkaq hina Dios akllananmanta, chaynapim qawachinqa animalkuna hinalla kasqankuta.
19 Runakunata ima pasasqanmi animalkunatapas pasan, llapallankum wañunku.+ Imaynam animalpas wañun chaynam runapas wañun, paykunaqa llapallankum Diospa kallpa qusqallanwan* kawsanku.+ Runaqa manam animalmantaqa aswan maschu, tukuy imapas yanqallam.
20 Llapallankum hina kaqllaman rinku.+ Llapallankum allpamanta ruwasqa kanku,+ llapallankutaqmi allpaman kutiykunku.+
21 Chaynaqa, ¿pitaq yachanman runakunaman Diospa qusqan kallpa altoman risqanta utaq animalkunaman Diospa qusqan kallpa allpaman yaykusqanta?+
22 Yacharurqanim runapaqqa imamantapas aswan allinqa llamkayninmanta kusikuynin kasqanta,+ runapaqqa chaymi llamkasqanmanta pagon hina. Wañukuptinqa, ¿pitaq imapas pasasqanmanta ninman?+
Willakuykuna
^ Hebreo rimaypiqa nichkan: “Pawaykachanapaq”, nispam.
^ Hebreo rimaypiqa nichkan: “Wiñaypaq kaqkunatam sunqunkupi churarun”, nispam.
^ Ichapas kanman: “Chinkasqa kaqkunata”, niqpas.
