Job 36:1-33
-
Diosqa ancha atiyniyuq kasqanta Eliupa riqsichisqanmanta (1-33)
-
Kasukuqkunaqa allinlla kawsakunankumanta, Diosta qipanchaqkunañataq mana allinpi kanankumanta (11-13)
-
“¿Pitaq pay hina allin yachachiqqa kanman?” (22)
-
Diosta Job hatunchananmanta (24)
-
“Diosqa ancha-ancha atiyniyuqmi, tukuy ima yachasqankunataqa manam riqsiyta atichwanchu” (26)
-
Diospaqa makillanpim parapas hinaspa llipyaykunapas (27-33)
-
36 Eliuqa nirqataqmi:
2 “Ama amiruspayá tumpachatawan rimariykunaypaq uyariykuway,Diosmantaqa rimaytaraqmi munachkani.
3 Yachasqaykunamantaqa lliwtam rimarisaq,unanchawaqniy Dioslla allin kasqanmantam rimarisaq.+
4 Ñuqaqa mana llullakuspaymi imam kaqta rimarisaq,allin yachayniyuq+ Diospa qayllanpim kachkanki.
5 Diosqa ancha atiyniyuq+ kaspanpas manam pitapas qipanchanchu,paypa yachayninqa mana haypay atinam.
6 Mana allin ruwaqkuna hinalla kawsanankutaqa manam saqinqachu,+ñakariqkunatam ichaqa yanapaykunqa.+
7 Payqa allin ruwaqtaqa manam saqinchu,+kamachiqkunatawan kuskatam tiyaykachin*,+ hinaptinmi wiñaypaq hatunchasqa kanku.
8 Cadenawan wataruptinkuñataqmihinaspa waskawan chaqnaruptinkuñataqmi,
9 imapi pantasqankuta nin,hatuntukuspa imapas ruwasqankuta qawachin.
10 Rinrinkutapas kichaykuspanmi rimapayan,mana allinmanta karunchakunankupaqmi chaynata rimapayan.+
11 Kasukuspanku paypa munayninta ruwaspankuqaallinmi kawsakunqaku,unay watam kusisqa kawsakunqaku.+
12 Mana kasukuspañataqmi imawanpas wañuchisqa kanqaku,+imallatapas manaraq yachachkaspam wañunqaku.
13 Diosta qipanchaqkunaqa piñasqallañam kanqaku.
Diospa watasqan hinaña kaspapas paykunaqa manam yanapakuytaqa maskankuchu.
14 Musullaraq kachkaspankum wañunku,+taytacha-mamachakunata yupaychaspa qarimasillanwan kaqkunawanmi kanku*.+
15 Chaywanpas Diosqa yanapanmi ñakariypi kaspa llakisqallaña kaqkunataqa,payqa ñakariypi kaptinkum rinrillankupi rimapayachkanmanpas hina rimapayan.
16 Payqa sasachakuypi kaptikim hawkañahinaspa allinña kanaykipaq yanapasunki,+
payqa sunquyki tiyaykunanpaqmi mesaykipipas miskillaña mikuyta churachkanmanpas hina yanapasunki.+
17 Mana allin ruwaqkuna Diospa makinpiña kaptinqa kusikunkim,+payña imam tantiasqanta ruwaptinqa kusikunkim.
18 Ichaqa amayá piñakuspaqa chiqnikuqqa rikuriruychu,+amayá mana allin ruwaqqa imatapas chaskikunaykiraykuqa rikuriruychu.
19 ¿Yaqachu maynataña qayakusqaykipasutaq imataña ruwasqaykipas sasachakuymanta harkasunkiman?+
20 Amayá tutaykunantaqa suyaychu,amayá llaqta chunnirunantaqa suyaychu.
21 Amayá mana allin ruwaymanqa qukuruychu,ñakarinaykimantaqa chaytam qamqa akllakurunki.+
22 Diosqa ancha atiyniyuqmi,¿pitaq pay hina allin yachachiqqa kanman?
23 ¿Pitaq payta ninman imatapas imayna ruwayta?+
¿Pitaq payta ninman ‘pantarunkim’ nispa?+
24 Amayá qunqaruychu ruwasqankunamanta Diosta hatunchaytaqa,+amayá qunqaruychu takispa runakunapa hatunchasqankutaqa.+
25 Lliw runakunam ruwasqankunataqa rikurqaku,karumantam chaykunataqa rikurqaku.
26 Diosqa ancha-ancha atiyniyuqmi, tukuy ima yachasqankunataqa manam riqsiyta atichwanchu,+hayka watayuq kasqantaqa manam yupayta atichwanchu.+
27 Payqa yakutam waspirachispan huqarin,+chay waspiruq yakum paramunanpaq puyuña rikurin.
28 Chaymi puyukunamantakay pachapi runakunapaq achkanpi paramun.+
29 ¿Pitaq puyukunapa imayna kasqanta yachanman?
¿Pitaq maymi kasqanmanta llipyaykunapa tunrururumusqan imayna kasqanta yachanman?+
30 Diosqa llipyaykunatam puyukunapi sumaqllataña llipipipichin,+lamar quchatapas yakuwanmi huntachin.
31 Chaykunawan yanapaspanmi Diosqa runakunata uywan,kawsaykunatapas achkanpim qun.+
32 Diosqa makillanwanmi llipyaytapas hapin,hinaspanmi mayman chayananpaqpas kamachin.+
33 Pay hamunantam tunrururumuspa llipyaykunapas willakun,animalkunapas chaytaqa musyanmi”, nispa.
Willakuykuna
^ Ichapas kanman: “Kamachiq kananpaqmi churaykun”, niqpas.
^ Ichapas kanman: “Wañuyta tarinankukamam kakunku”, niqpas.
