Josuey 19:1-51
-
Simeon ayllu allpata chaskisqanmanta (1-9)
-
Zabulon ayllu allpata chaskisqanmanta (10-16)
-
Isacar ayllu allpata chaskisqanmanta (17-23)
-
Aser ayllu allpata chaskisqanmanta (24-31)
-
Neftaliy ayllu allpata chaskisqanmanta (32-39)
-
Dan ayllu allpata chaskisqanmanta (40-48)
-
Josuey allpata chaskisqanmanta (49-51)
19 Iskay kaq sorteasqankupim+ Simeon aylluman+ haykam kasqankuman hina tuparurqa. Chay chaskisqanku allpaqa karqa Juda ayllupa+ tupaqnin allpa ukupim.
2 Paykunapa chaskisqanku llaqtakunam karqa Beer-seba,+ Seba, Molada,+
3 Hazar-sual,+ Bala, Ezem,+
4 Eltolad,+ Betul, Horma,
5 Ziclag,+ Bet-marcabot, Hazar-susa,
6 Bet-lebaot+ hinaspa Saruen. Llapallanmi karqa 13 llaqtakuna, karqataqmi llaqtachankunapas.
7 Karqataqmi Ain, Rimon, Eter hinaspa Asan.+ Chayqa karqa tawa llaqtakunam, karqataqmi llaqtachankunapas.
8 Chaskirqataqmi chay llaqtakunapa muyuriqninpi llaqtachakunatapas Baalat-beer llaqtakama, chay llaqtataqa riqsiqkutaqmi uray* lawpi Ramat nispapas. Chaykunam karqa Simeon ayllupa haykam kasqankuman hina chaskisqanku allpankuqa.
9 Simeonpa mirayninkunamanmi tupaqninku allpata qurqaku Juda ayllupa allpan ukupi. Chaynataqa ruwarqaku Juda ayllupa allpan hatun kasqanraykum. Chaynapim Simeonpa mirayninkunaqa Juda ayllupa allpan ukupi tupaqninku allpata chaskirqaku.+
10 Kimsa kaq sorteasqankupim+ Zabulonpa+ mirayninkunaman hayka ayllu kasqankuman hina tuparurqa. Paykunapa chaskisqanku allpaqa Sarid llaqtakamam chayarqa.
11 Chaymantam intipa siqaykunan lawman karqa Mareal llaqtakama, hinaspam Dabeset llaqtanmanta Jocneam llaqtapa chimpan wayqukama chayarqa.
12 Sarid llaqtamantañataqmi intipa qispimunan lawman karqa Kislot-tabor llaqtaman tupaqkama. Hinaspam Daberat llaqtanmanta+ Jafia llaqtakama chayarqa.
13 Jafia llaqtamantañataqmi intipa qispimunan lawman pasarqa Gat-hefer llaqtanta,+ Et-kazin llaqtanta hinaspa Rimon llaqtanta Nea llaqtakama.
14 Hanay* lawmanñataqmi muyurqa Hanaton llaqtaman, hinaspam Ifta-el wayqukama chayarqa.
15 Zabulon ayllupa allpan ukupiqa karqataqmi kay llaqtakunapas: Katat, Naalal, Simron,+ Idala hinaspa Belen.+ Llapanmi karqa 12 llaqtakuna, karqataqmi llaqtachankunapas.
16 Chaykunam karqa Zabulonpa mirayninkunapa hayka ayllu kasqankuman hina chaskisqanku allpankuqa.+ Chaykunamá karqa llaqtankunawan llaqtachankunapas.
17 Tawa kaq sorteasqankupim+ Isacarpa+ mirayninkunaman hayka ayllu kasqankuman hina tuparurqa.
18 Paykunapa chaskisqanku allpaqa chayarqa Jezreel,+ Kesulot, Sunem,+
19 Hafaraim, Sion, Anaarat,
20 Rabit, Kision, Ebez,
21 Remet, En-ganim,+ En-hada hinaspa Bet-pazez llaqtakunamanmi.
22 Allpankuqa chayarqataqmi Tabor,+ Saazuma, Bet-semes llaqtakunamanpas, hinaspam Jordan mayupi tukurqa. Llapallanmi karqa 16 llaqtakuna, karqataqmi llaqtachankunapas.
23 Chaykunam karqa Isacar ayllupa haykam kasqankuman hina chaskisqanku allpanku.+ Chay llaqtakunaqa karqa llaqtachankunapiwanmi.
24 Pichqa kaq sorteasqankupim+ Aser aylluman+ haykam kasqankuman hina tuparurqa.
25 Paykunapa chaskisqanku allpaqa chayarqa Helkat,+ Hali, Beten, Aksaf,
26 Alamelec, Amad hinaspa Misal llaqtakuna lawmanmi. Intipa siqaykunan lawmanñataqmi chayarqa Carmelo urqukama+ hinaspa Sior-libnatkama.
27 Intipa qispimunan lawmanñataqmi muyurqa Bet-dagon llaqtaman hinaspa Zabulon ayllupa allpanwan tupaqkama. Chaymantam Ifta-el wayqupa hanayninman rispa Bet-emek llaqtaman, Neiel llaqtaman hinaspa ichuq lawninta Cabul llaqtaman chayarqa.
28 Chayarqataqmi Ebron, Reob, Hamon hinaspa Kana sutiyuq llaqtakunakama chaynataq Sidon sutiyuq hatun llaqtakama.+
29 Chaymantam Rama llaqtaman muyuspa murallasqa Tiro llaqtaman+ chayarqa, hinaspam Hosa llaqtamanta lamar quchakama karqa, chaylawqa karqa Akzib,
30 Uma, Afec+ hinaspa Reob+ llaqtam. Llapallanmi karqa 22 llaqtakuna, karqataqmi llaqtachankunapas.
31 Chaykunam karqa Aser ayllupa haykam kasqankuman hina chaskisqanku allpankuqa.+ Chaykunamá karqa llaqtankunawan llaqtachankunapas.
32 Suqta kaq sorteasqankupim+ Neftaliypa mirayninkunaman hayka ayllu kasqankuman hina tuparurqa.
33 Paykunapa chaskisqanku allpaqa qallarirqa Helef llaqtamanta hinaspa Zaananim lawpi+ hatun sachamantam. Chaymantam pasarqa Adami-nekeb llaqtanta hinaspa Jabneel llaqtanta Lakum lawkama, tukurqañataqmi Jordan mayupi.
34 Intipa siqaykunan lawmanñataqmi karqa Aznot-tabor lawmanta Hukoc llaqtakama. Chaymantam uray lawman Zabulon ayllupa allpankama karqa, intipa siqaykunan lawmanñataq Aser ayllupa allpankama. Intipa qispimunan lawmanñataqmi Jordan mayu lawpi Juda* allpakama karqa.
35 Murallayuq llaqtakunañataqmi karqa: Zidim, Zer, Hamat,+ Racat, Kineret,
36 Adama, Rama, Hazor,+
37 Kedes,+ Edrei, En-hazor,
38 Yiron, Migdal-el, Horem, Bet-anat hinaspa Bet-semes.+ Llapallanmi karqa 19 llaqtakuna, karqataqmi llaqtachankunapas.
39 Chaykunam karqa Neftaliy ayllupa haykam kasqankuman hina chaskisqanku allpanku.+ Chay llaqtakunaqa karqa llaqtachankunapiwanmi.
40 Qanchis kaq sorteasqankupim+ Dan aylluman+ haykam kasqankuman hina tuparurqa.
41 Paykunapa chaskisqanku allpaqa chayarqa Zora,+ Estaol, Ir-semes,
42 Saalabin,+ Ayalon,+ Itla,
43 Elon, Timnat,+ Ecron,+
44 Elteke, Guibeton,+ Baalat,
45 Jeud, Bene-berak, Gat-rimon,+
46 Me-jarkon hinaspa Rakon llaqtakamam. Chaymantapas allpankuqa chayarqa Jope+ lawpa chimpankamam.
47 Ichaqa Dan ayllupa allpanku taksalla kasqanraykum+ Lesem llaqtata+ hapikunankupaq qispirqaku, hinaspam runankunatapas espadawan wañurachispanku chaypipas yacharqaku*. Paykunaqa ñawpaq abuelonku Danpa sutinwanñam Lesem llaqtataqa suticharqaku.+
48 Chaykunam karqa Dan ayllupa haykam kasqankuman hina chaskisqanku allpanku. Chaykunamá karqa llaqtankunawan llaqtachankunapas.
49 Chaynatam chay allpakunataqa rakinakuyta tukurqaku. Chaymantam Israelpa mirayninkunaqa Nunpa churin Josueyman paykunapa allpankupa chawpinpi allpata qurqaku.
50 Jehova Diospa kamachisqanman hinam Josueymanqa mañakusqan Timnat-sera llaqtata+ qurqaku. Chay llaqtaqa karqa Efrain ayllupa urqunkuna lawpim. Josueyñataqmi chay llaqtata kaqmanta hatarichispan chaypi yacharqa.
51 Tukuy chay allpakunatam qurqaku sacerdote Eleazar, Nunpa churin Josuey hinaspa Israel ayllukunata kamachiqkuna. Chaytaqa Jehova Diospa qayllanpim sorteaspanku qurqaku,+ qurqakuqa Silo llaqtapi+ Diospa carpanman yaykunapim.+ Chaynatamá paykunaqa allpa rakiyta tukurqaku.
Willakuykuna
^ Utaq: “Sur”.
^ Utaq: “Norte”.
^ Kaypiqa manachusmi Juda ayllupa allpanmantachu rimachkan, aswanqa paykunamanta kaq hukkaqnin runapa ayllunmantam.
^ Utaq: “Tiyarqaku”.
