Diosqa munanmi hawkalla hinaspa kusisqa sumaq huertapi wiñaypaq kawsananchikta.

Ichapas niwaq: “¿Imaynataq chayqa kanman?”, nispa. Bibliaqa willanpunim Diospa Gobiernon chayta rurananmanta. Unanchaqninchikqa munanmi chay Gobiernonmanta chaynataq munayninmantapas lliw runakuna yachanankuta (Salmo 37:11, 29; Isaias 9:7).

Diosqa munanmi kusisqa kawsananchikta.

Imaynam kuyakuq taytapas churinkunapaq allin kaqkunata munan chaynam hanaq pachapi Taytanchikpas wiñaypaq kusisqa kawsananchikta munan (Isaias 48:17, 18). Paymi prometen ‘munasqanman hina ruraqkuna wiñaypaq’ kawsanankuta (1 Juan 2:17).

Diosqa munanmi kamachikuyninkuna kasukunanchikta.

Unanchaqninchikqa munanmi ‘yachachiwasqanchikman hina kawsananchikta’ (Isaias 2:2, 3). Paymi ‘runankunata akllarqa’ munayninmanta Allpantinpi willakunankupaq (Hechos 15:14).

Diosqa munanmi huk sonqolla yupaychananchikta.

Cheqap religionpi kaqkunaqa kuyanakusqankuraykum huk sonqolla kawsanku (Juan 13:35). ¿Pikunataq Diosta huk sonqolla servinankupaq Allpantinpi runakunaman yachachin? Kay tapukuymantam kay folletota leespa yachanki.