LLAQTAKUNA HINASPA RUNANKUNA
Liechtenstein nisqa uchuy nacioncha
CHAYQA llapallan uchuy nacionchakunamanta hukninmi, chay nacionpa huknin waqtanpim kachkan Suiza nacion, huknin waqtanpiñataqmi Austria nacion. Ñawpa tiempopim Liechtenstein nisqa nacionpiqa, celtas, réticos, romanos hinaspa alamanes nisqa runakuna yacharqaku. Kunanqa chay nacionpim yachanku yaqa parte masnin alamana nisqa runapa miraynin, paykunam yachanku yaqa 1500 wataña.
Alemán nisqa rimaytam chay nacionpiqa rimanku, llaqtachankunapim ichaqa huk rimaykunatapas rimanku. Chay nacionpi aswan riqsisqa mikuyqa Tüarka-Rebel nisqa mikuymi, chay mikuyqa saramanta ruwasqam, huknin mikuyñataqmi Käsknöpfle, chay mikuyqa fideosniyuq hinaspa achka quesoyuqmi.
Chay nacionpi purispaykiqa rikunkim riti urqukunata, verdellaña sumaq wayqukunata, uvas chakrakunata hinaspa tukuy rikchaq sumaqllaña sachakunata. Chay nacionpiqa kanmi tukuy rikchaq orquídea nisqa waytakunata. Kantaqmi vino ruwananku wasikuna, tusuqkunata
qawanapaq wasikuna hinaspa museo nisqankupas. Chaymi para tiempopipas hinaspa usyay tiempopipas runakunaqa huk law nacionkunamanta watukunku chay nacionta.1920 watamantapacham Jehova Diospa testigonkunaqa Liechtenstein nacionpi kachkanku. Kunanqa chay nacionpim yaqa isqun chunka Jehova Diospa testigonkuna bibliamanta chay llaqtayuqkunaman hinaspa huk law nacionkunamanta watukamuqkunamanpas bibliamanta yachachichkanku.