DIOSMI Abrahanta kamachirqa karuta illaspan paypaq churinta kañapunanpaq, bibliam nin: ‘Wañuchispa kañananpaq yantatam churin Isaacwan [Abrahanqa] qipichirqa, aparqataqmi ninatawan cuchillotapas, paykunaqa kuskam rirqaku’, nispa (Gen. 22:6).

Bibliaqa manam willawanchikchu ninata imaynata ñawpa tiempopi runakuna ratachisqankumantaqa. Hinaptinqa, ¿Abrahanwan Isaacqa ratachkaqtañachu ninata apanmanku karqa? Biblia estudiaq runam nin: “Illaspankuqa manachusmi ratachkaq ninataqa apanmankuchu karqa”, nispa. Yaqapaschá paypa nisqanman hinaqa, Abrahanqa apanman karqa imatapas ninata ratachinanpaq kaqllata.

Wakin yachayniyuq runakunañataqmi ninku chay tiempopi nina ratachiy sasa kasqanta, chaysi paykunaqa ninataqa apanmanku karqa ratachkaqtaña. Ichapas paykunaqa vecinonkunamanta nina ratachkaqtaña mañakunmanku karqa. Wakin runakunaqa piensankum Abrahanqa illasqanpi sansalla apasqanmanta. Ichapas chay sansataqa cadena watuyuq mankachapi aparqaku (Is. 30:14). Chaynaqa yaqachusmi Abrahanqa sansa apasqanta kullpuchakunawan pukuykuspan ninata ratachinman karqa.