Kay allpa Pachapiqa kanmi tukuy imakuna hinalla kawsananchikpaq. Kanmi achkallaña yaku, chaynapi runakuna, animalkuna hinaspa plantakunapas mana wañunankupaq. Kay allpa Pachapa muyusqanqa yanapantaqmi, lamar qochakuna mana chakirunanpaq otaq mana rankachurunanpaqpas. Chaymantapas kay Pachaqa llumpa-llumpay rupay yaykumunanmantam waqaychasqa kachkan. Animalkunawan plantakunapas yanapantaqmi sumaq kananpaq. Kaykunam qawachin imapaq allpa Pacha unanchasqa kasqanta. (Leey Isaias 45:18.)

Ichaqa wakin runakunam tapukunku: ¿Ñakariywan mana allin ruwaykuna kanantachu Diosqa munarqa?, nispanku. (Leey Deuteronomio 32:4, 5.)

Kay allpa Pachaqa unanchasqam karqa kusisqa kawsakunanchikpaq hinaspa Unanchaqninchikta kuyananchikpaqpas. Kaymi qawachin Unanchaqninchikpa kuyakuyninta hinaspa allin ruwaq kaynintapas qatipakuy atisqanchikta, animalkunawan plantakunam ichaqa mana chaypaqchu unanchasqa karqaku. (Leey Eclesiastes 12:13; Miqueas 6:8.)

Diosqa atinmi imapas nisqan cumpliytaqa, chaymi mana iskayrayachwanchu ñakariytawan mana allinkunata chinkachinanmantaqa hinaspa kay Pachapi kusisqa kawsakunanchikmantapas. (Leey Salmo 37:11, 29; Isaias 55:11.)