Juan 2:1-25
2 Iskay p’unchay qhepamantaq Galileapi kaq Caná llaqtapi juj casarakuy fiesta karqan, chaypin kasharqan Jesuspa mamanpas.
2 Jesuspas discipulonkunapas invitasqan karqanku chay fiestamanqa.
3 Vino pisirushaqtinmi Jesuspa mamanqa payta nirqan: “Manan vinonku kanñachu”, nispa.
4 Jinan Jesusqa nirqan: “¿Imanaqtintaq noqanchisri chaymanta llakikunanchis? Tiempoyqa manaraqmi chayamunchu”, nispa.
5 Mamantaq chaypi serviqkunata nirqan: “Ruwallankichis ima nisqasuykichistapas”, nispa.
6 Chaypin kasharqan judío runakunaq kamachikusqanman jina ch’uyanchakunapaq rumimanta soqta rakikuna,+ sapankamanmi jaykuq tawa chunka tawayoq litro jina otaq soqta chunka soqtayoq litro jina.*
7 Jesusmi paykunata nirqan: “Chay rakikunaman unuta junt’achiychis”, nispa. Jinan paykunaqa junt’achirqanku.
8 Chaymantataq nirqan: “Kunanqa juj chhikanta orqospa apaychis casarakuy fiestamanta encargakuqman”, nispa. Jinan paykunaqa aparqanku.
9 Casarakuy fiestamanta encargakuqtaq vinoman tukuchisqa unuta malliykurqan, ichaqa manan yacharqanchu maymantachus apamurqanku chayta, unuta orqoq kamachikunan ichaqa yacharqanku. Chaymi casarakuy fiestamanta encargakuqqa casarakuq runata wajaspa
10 nirqan: “Lliu casarakuqpas ancha allin kaq vinotaraqmi ñaupaqtaqa jaywachin, runakuna machasqaña kaqtintaq mana allin vinollataña churan. Qanmi ichaqa ancha allin kaq vinota kunankama waqaychasqanki”, nispa.
11 Chay milagrotan Jesusqa ruwarqan Galileapi kaq Caná llaqtapi, chaymi karqan ñaupaq milagro ruwasqan, chhaynapin rikuchirqan atiyninta;+ chaymi discipulonkunaqa paypi iñiyta qallarirqanku.
12 Chay qhepamantaq Jesusqa mamanwan, wayqenkunawan,+ discipulonkunapiwan Capernaún+ llaqtaman uraykurqanku, ichaqa pisi tiempollan chaypi qhepakurqanku.
13 Ñan judío runakunaq Pascua Fiestan+ chayamusharqanña, chaymi Jesusqa Jerusalén llaqtaman wicharqan.
14 Chaypin payqa templopi tarirqan wakakuna, ovejakuna, palomakuna+ vendeqkunata, jinallataq qolqe cambiaqkunatapas tiyanankupi tiyashaqta.
15 Jinan Jesusqa waskhamanta jasut’ita ruwakuspa llapa vendeqkunata jawaman qarqomurqan ovejakunantinta wakakunantinta; qolqe cambiaqkunaq qolqenkutapas jich’arparirqanmi, mesankutapas t’ijrarparirqanmi.+
16 Paloma vendeqkunatataq nirqan: “¡Orqoychis kaykunata! ¡Taytaypa wasinqa manan negocio ruwana wasichu!”,+ nispa.
17 Chaykunata rikuspan discipulonkunaqa yuyarirqanku: “Wasiyki munakusqaymi nina jinaraq sonqoypi raurarinqa”,+ nispa qelqasqata.
18 Chaymi judío runakunaqa Jesusta nirqanku: “¿Ima señaltan rikuchiwankiku+ kaykunata ruwanaykipaq?”, nispa.
19 Jinan Jesusqa paykunata nirqan: “Kay templota thuniychis, noqataq kinsa p’unchayllapi jatarirachisaq”,+ nispa.
20 Chaywanmi judío runakunaqa nirqanku: “Kay templotaqa tawa chunka soqtayoq watapimá ruwakurqan, ¿chaychu qanri kinsa p’unchayllapi ruwaruwaq?”, nispa.
21 Ichaqa “templo” nispaqa cuerponmantan Jesusqa rimasharqan.+
22 Wañusqanmanta jatarichisqa kaqtinmi discipulonkunaqa yuyarirqanku chhaynatapuni Jesusqa rimaq kasqanta,+ jinan paykunaqa Diospa simin qelqapi chay qelqasqata Jesuspa chay nisqantawan creerqanku.
23 Jerusalén llaqtapi Pascua Fiestapi Jesús kashaqtinqa, milagrokuna ruwasqanta rikuspan askha runakuna paypa sutinpi iñirqanku.
24 Jesusmi ichaqa mana tukuy sonqochu paykunapi confiarqan,* payqa yacharqanmi imaynachus kasqankuta,
25 payqa manan necesitarqanchu pipas runakunamanta imatapas willanantaqa, yacharqanmi runaq sonqon imayna kasqanta.+
Uraypi willakuykuna
^ Griego rimaypiqa “iskay otaq kinsa medida” ninmi, chaypiqa yaqapaschá bato medidamanta rimashan. Juj bato medidamanqa 22 litron jaykuq. Qhaway “Astawan yachanapaq B14” nisqata.
^ Chaypiqa “mana paykunapi confiakurqanchu” nillanmantaqmi.
