Proverbios 29:1-27
29 Askha kuti anyasqa kashaspa k’ulluchakuq runaqa,+qonqayllan chinkachisqa kanqa, manañan ima ruwaytapas atikunqañachu.+
2 Chanin runakuna askhayaqtinqa llaqtan kusikun,millay runa kamachiqtinmi ichaqa ñak’arin.+
3 Yachayta munakuqqa taytantan kusichin,+ramera warmikunawan puriqmi ichaqa kaqninkunata tukun.+
4 Chanin kaywan kamachikuq reyqa suyutan allinta tajyachin,+lluk’iykuyta mañakuq runan ichaqa thunin.
5 Runamasinta alabaqqatrampatan runamasinpa purinanpi churashan.+
6 Millay runataqa juchankunan mayt’uykun,+chanin runan ichaqa kusikuymanta qaparin.+
7 Chanin runaqa wajchakunapaqmi justiciata maskhan,+millay runamanmi ichaqa mana imapas qokunchu.+
8 Jatunchakuqkunaq rimasqankuqa llaqtatan ruphaykun,+yachayniyoqkunan ichaqa k’araq phiñakuyta thasnunku.+
9 Yachayniyoq runachus mana yuyayniyoq runawan quejanakunqa chayqa,ch’aqwaymi, burlakuymi kanqa, manataqmi ima allinpas kanqachu.+
10 Runa wañuchiqkunaqa mana juchayoq runatan cheqnikunku,+chanin runatan wañuchinankupaq maskhanku.*
11 Mana yuyayniyoqqa tukuy phiñakuynintan* kacharin,+yachayniyoq runan ichaqa mana usqhayllachu phiñakun, yachanmi controlakuyta.+
12 Juj kamachikuqchus llullakuyta kasun chayqa,llapa serviqninkunan millay kanqaku.+
13 Wajchapas sarunchaqpas kaqllan kanku.
Jehová Diosmi iskayninkuq ñawinkuman k’anchayta qon.*
14 Juj reychus mana sayapakuspa wajchata juzganqa chayqa,+allin tajyasqan trononqa kanqa.+
15 Wanachiypas anyaypas yachaytan qokun,+ima munasqanta ruwaq wawan ichaqa mamanta p’enqachin.
16 Millay runakuna yapakuqtinqa juchapas yapakunmi,chanin runakunan ichaqa urmasqankuta rikunqaku.+
17 Wawaykita wanachiy, jinan payqa samachisunki,anchatan kusichisunki.+
18 Diospa mana pusarisqan llaqtaqa comuntan purin,+kamachikuyta kasukuqkunan ichaqa kusisqa kanku.+
19 Kamachiqa manan simillawanqa wananchu,entiendenña chaypas manan kasukunchu.+
20 ¿Rikurqankichu mana piensaspa rimaq runata?+
Chay runamantaqa mana yuyayniyoq runaraqmi allin kanqa.+
21 Wayna kasqanmantapacha mana ima nisqa kamachiqa,mana agradecekuqmanmi tukupunqa.
22 Imallamantapas phiñakuq runaqa ch’aqwaytan jatarichin,+usqhaylla phiñakuq runaqa juchallikushallanmi.+
23 Jatunchakuq kayninmi runataqa k’umuykachinqa,+k’umuykukuq runan ichaqa jatunchasqa kanqa.+
24 Suwata yanapaqqa pay kikintan cheqnikun,testigokunata wajachisqankuta* uyarispapas manan rimarinchu.+
25 Runakunaq ñaupanpi khatatatayqa* juj trampan,*+Jehová Diosman jap’ipakuqmi ichaqa pakaykusqa kanqa.+
26 Askhan kamachikuqpa allin qhawarisqan kayta* maskhanku,ichaqa Jehová Diosllamantan pipas justiciataqa chaskin.+
27 Chanin runaqa mana chanin runatan cheqnikun,+millay runan ichaqa allin ñanpi puriq runata cheqnikun.+
Uraypi willakuykuna
^ Chaypiqa yaqapaschá “chanin runan ichaqa kausayninta waqaychan” nillanmantaq.
^ Chaypiqa “imachus sientesqantan” nillanmantaqmi.
^ Chaypiqa kausayta qosqanmantan rimashan.
^ Chaypiqa “ñakaspa jurasqata” nillanmantaqmi.
^ Khatatataytaqa “kharkatiy” nillankutaqmi.
^ Chaypiqa “Runakunata manchakuyqa juj trampan” nillanmantaqmi.
^ Hebreo rimaypiqa “uyanta” ninmi.
