Salmos 72:1-20
Salomonmanta taki.
72 Diosnilláy, reyta yanapay chanin kayniykiman jina juzgananpaq,chanin kayta, allin reparaq kayta reyman* qoy.+
2 Chanin kaywan llaqtaykita defiendechun,humilde sonqo runakunapaq justiciata ruwapuchun.+
3 Orqokuna thaj kayta llaqtaman apamuchun,moqokunataq chanin kayta apamuchun.
4 Payqa, humilde sonqo runakunaman sayapakuchun,wajchakunaq* wawankunata librachun;runa pisichaqkunata, engañaqkunata saruchun.+
5 Diosniyku, llaqtaykiqa tukuy tiempon manchakusunki,intipas killapas k’anchashanankamaqa manchakushallasunkikun.+
6 Reyqa rutusqa pastopaq para jinan kanqa,jallp’aman t’akarikamuq para jinan kanqa.+
7 Pay kamachikuqtinqa t’ika jinan chanin runaqa t’ikarinqa.+
Thaj kayqa kashallanqan+ killa k’anchashanankamaqa.
8 Payqa lamar-qochamanta juj lado lamar-qochakaman kamachikunqa,Éufrates mayumanta kay pachaq k’uchunkunakamaraqmi gobiernanqa.+
9 Ch’aki aqo pampakunapi tiyaqkunan payman k’umuykunqaku;enemigonkunaqa ñut’u jallp’atan llaqwanqaku.+
10 Tarsis lado reykunan, islakunapi reykunan payman impuestota paganqaku.+
Saba lado reykunan, Sebá lado reykunan regalokunata apamunqaku.+
11 Llapa reykunan payman k’umuykunqaku,llapa nacionkunan payta servinqaku.
12 Paymi yanapay mañakuq wajchakunata libranqa,paymi mana piniyoqtapas, pisichasqatapas libranqa.
13 Wajchakunatan, mana piniyoqkunatan khuyapayanqa,mana imayoq runakunatan libranqa.
14 Pisichasqa kasqankumantan, sarunchasqa kasqankumantan orqonqa.
Paykunaq yawarninqa ancha valorniyoqmi paypa ñawinpaqqa kanqa.
15 Kausachun payqa, Saba lado qorikunata chaskichun.+
Llapa runa paypaq mañapuchun,llapa runa sapa p’unchay payta jatunchachun.
16 Kay pachapiqa mana tukurikuqmi mijuy kanqa,+orqo patakunapin askhallaña, sumaqllaña wiñanqa.
Reypa chajrankunapas Líbano wichaykunapi jinaraqmi wiñanqa,+llaqtapi runakunapas campopi t’ikakuna jinaraqmi munayta t’ikarinqa.+
17 Paypa sutinqa wiñaypaq kachun,+intiq k’anchaynin jina mana tukurikuq kachun.
Runakunaqa paypa yanapayninwan bendecisqa kachun,+llapa nacionkuna nichunku: “Kusisqan payqa”, nispa.
18 Jatunchasqa kachun Israelpa Diosnin Jehová Diosqa,+payllan imaymana musphanapaq kaqkunata ruwaqqa.+
19 Jatun sutinpas wiñay-wiñaypaq jatunchasqa kachun,+k’anchayninpas jatun kayninpas llapa kay pachata k’anchaykuchun.+
Amén,* amén.
20 Chaypin tukupun Jesepa churin Davidpa mañakusqanqa.+
Uraypi willakuykuna
^ Hebreo rimaypiqa “reypa churinman” ninmi.
^ Wajchataqa “pobre” nillankutaqmi.
^ Chaypiqa “Chhayna kachun” nillanmantaqmi.
