“Kay kamachikuy qelqamantaqa rimashallankipunin, tuta-p’unchaymi chaykunata leenki, chaykunapitaq piensashallanki. Chhaynapin chay kamachikuykunaman jina kausanki, chhaynapitaqmi ima ruwasqaykipas allin kanqa, allin yuyaywantaqmi imatapas ruwanki”.

Josué 1:8

“Leví runakunaqa fuertetan leesharqanku Diospa kamachikuynin qelqata, entiendechisharqanku iman. Chhaynatan paykunaqa llaqtantin runakunata yanaparqanku, allintan entiendechirqanku imatachus leesharqanku chayta”.

Nehemías 8:8

“May kusisqan millay runakunaq yuyaychasqanta mana kasuqqa [. . .]. Payqa Jehová Diospa kamachikuyninkunawanmi kusikun; tuta-p’unchaymi chaykunata leen, chaykunapin piensan [. . .]. Tukuy ima ruwasqanpas allinkaman kanqa”.

Salmos 1:1-3

“Chaymi Felipeqa carretaq ladonman phawaspa uyarirqan profeta Isaiaspa qelqasqanta leeshaqta, jinan tapurqan: ¿Entiendeshankichu imachus leesqaykita?, nispa. Jinan payqa nirqan: ¿Imaynapitaq entiendeyman mana pipas yachachishawaqtinri?, nispa”.

Hechos 8:30, 31

 “Diostaqa manaña rikunchischu chaypas, paypa wiñay atiyninpas Diospuni kasqanpas kay pacha kamasqa kasqanmantapachan sut’ita rikukun, arí, imaynachus kasqanqa imachus kamasqankunapin sut’ita reparakun, chaymi mana pipas ninmanchu: Manan yacharqanichu, nispaqa”.

Romanos 1:20

“Llapa chaykunapi allintapuni piensay, tukuy yuyayniykiwantaq chayman jina ruway, chhaynapi iñiypi allin poqosqa kasqaykita lliupas rikunanpaq”.

1 Timoteo 4:15

“Chaymantapas, jujkuna-jujkunawan allintapuni reqsinakusun, chhaynapin kallpachanakusunchis astawan munanakunanchispaq ancha allin ruwaykunatapas ruwananchispaqwan. Amapuni juñunakuyninchiskunatapas saqesunchu”.

Hebreos 10:24, 25

“Mayqenniykichismanpas yachayniyoq kay faltashasunkichis chayqa, Diosmanta mañakushallaychis, jinan Diosqa chay mañakusqaykichista qosunkichis. Payqa lliuman tukuy sonqowan askhatapuni qoq Diosmi, mana phiñarispataqmi payqa qon”.

Santiago 1:5