Askha runakuna ninku: “Manan jayk’aqpas llapa runakunaqa juj nisqalla mana cheqninakuspaqa kausasunmanchu“, nispa.

•   Secretario general de las Naciones Unidas nisqamanta António Guterres runan nin: “Entero mundontinpin juj colorniyoq runakuna kasqankurayku cheqninakushanku, chayqa juj veneno jinan llapa organizacionkunapaq, qhapaq runakunapaq, común runakunapaq ima. Chayraykun runakunaqa cheqninakuspalla tukuy tiempo kashanku, manan thajchu kausanku”, nispa.

 ¿Jayk’aqllapas llapa runakuna juj nisqalla mana cheqninakuspa kausasunmanchu? ¿Imatapas Biblia chaykunamanta willashanmanchu?

 Bibliapin willashan imaynatas Jehová Dios llapa runakunata qhawarin chayta.

•   Biblian nin: “Paymi juj runallamanta llapa runata ruwarqan kay pachantinpi tiyanankupaq”, nispa (Hechos 17:26).

•   Biblian nillantaq: “Diosqa lliutapas igual-llata rikusqanta, payta manchakuspa allin kaqta ruwaq runakunataqa may nacionmantaña kanku chaypas sumaqta chaskisqantawan”, nispa (Hechos 10:34, 35).

 Bibliaqa sut’itan willashan llapa runakunapas juj runallamanta jamusqanchista, chaymantapas Jehová Diosqa llapa runatan sumaqta chaskin.

 Diospa gobiernollanmi kay pachapi llapa runakunata juj nisqalla kausanankupaq yanapanqa. Chay gobiernon llapa runakunata yachachinqa paykuna pura munakuywan qhawarinakunankupaq. Chaypiqa manañan juj colorniyoq kasqankuraykuqa cheqninakunqakuñachu.

•   Biblian nin: “Qan kay pachata juzgaqtiykin runakunaqa chanin kaqta yachanqaku”, nispa (Isaías 26:9).

•   Biblian nillantaq: “Chanin kay kaqtinmi thaj kay kanqa, allin ruway kaqtinmi mana tukukuq sumaq kausay kanqa”, nispa (Isaías 32:17).

 Kay tiempopiqa askha runakunañan Bibliaq yanapayninwan yachashanku imaynatas paykunapura respetowan sumaqta qhawarinakunkuman chayta.

•   Astawan yachayta munanki chayqa leey ¡Despertad! qelqapi ”¿Tiene cura el prejuicio?” nisqata.

•   Tayta-mamakuna imaynatas wawaykichista chaykunamanta rimapayawaqchis chayta yachanaykichispaq leeychis “¿Cómo hablar con sus hijos sobre el racismo?” nisqata.