Askha runakunan sapallanku sientekunku. Wakin doctorkunan ninku: “Sapayki sientekunki chayqa jujkunata yanapay, chayta ruwaspaqa manañan sapallaykiñachu sientekunki”, nispa.

•   Institutos Nacionales de la Salud, de Estados Unidos nin: “Allinpunin jujkunawan uya-uyapura parlayqa, chayqa yanapawanchismi ama sapanchis sientekunanchispaq”, nispa.

 Bibliapipas ninmi jujkunata yanapayqa allinpuni kasqanta, chaymantapas willanmi imaynatas jujkunata yanapasunman chayta. Chayta ruwaspaqa manañan sapallaykichu sientekunki.

 Qoykukuq kay. Tiempota orqoy jujkunawan parlarinaykipaq, ichaqa chaytaqa uya-uyapuran ruwanayki. Sichus qoykukuq kanki chayqa jujkunan qanwan kusisqa kanqaku, amigoykitaqmi kayta munanqakupas.

•   Bibliapin nin: “Qoshallaychis jujkunaman, chhaynapin paykunapas qosunkichis”, nispa (Lucas 6:38).

 Jujkunata yanapay. Tukuy atisqaykita ruway llakikuykunapi tarikuqkunata yanapanaykipaq, paykunata makilla uyariy, kallpachakuy imaynachus kashasqankuta entiendenaykipaq, imachus necesitasqankutapas qoy.

•   Bibliapin nin: “Cheqaq amigoqa tukuy tiempon munakun”, nispa (Proverbios 17:17).

 Sichus astawan yachayta munanki allin amigokunayoq kaymanta chayqa, leey “La familia y los amigos” nisqa yachachikuyta.