Biblian willan iñiq t’aqapi ruwaykunata iskay t’aqa runakuna qhawarisqanta: ‘umallikuna, diaconokuna [otaq yanapakuq qharikuna]’ ima (Filipenses 1:1). Sapanka iñiq t’aqakunapin kan umallikuna yanapakuq qharikunapas. ¿Imatan yanapakuq qharikuna ruwanku?

Umallikunata yanapanku. Yanapakuq qharikunaqa confianapaq hina, makilla ruwaq, allin iñiyniyoq cristianokunan kanku; wakinmi waynallaraq kanku wakintaq kurakña. Paykunaqa iñiq t’aqapi imaymana ruwanakunatan ruwanku. Chay hinapin umallikunapaqqa tiemponku kan iñiqkunata yachachinankupaq visitanankupaq ima.

Allin ruwaykunapi yanapakunku. Wakin yanapakuq qharikunaqa huñunakuyman hamuqkunata sumaqta chaskispan yanapakunku. Wakinqa sonido nisqapi kanku, qelqakunata rakinku, qolqemanta cuentata aparinku, predicacionpipas umallinku. Hinaspapas yupaychana wasi allichasqa limpio kananpaqmi yanapakunku, umallikunaq nisqankuman hinataq yuyaq cristianokunata yanapanku. Imata ruwanankupaqña kamachisqa kanku chaypas, paykunaqa tukuy sonqowanmi chayta hunt’anku, chaymi respetanapaq hinapuni kanku (1 Timoteo 3:13).

Iñiyninkupi allin ejemplo kanku. Paykunaqa allin iñiyniyoq kasqankuraykun yanapakuq kanankupaq churasqa kanku. Huñunakuykunapi ñawpaqmanta rimamusqanku, predicacionpi allin ejemplo kasqanku iman iñiyniykupi kallpachawanku, imaymanapi yanapakusqankutaq kallpachawanku hukllachasqa, kusisqa kawsanaykupaq (Efesios 4:16). Qhepamanqa paykunapas atinkumanmi umalli kayta.

• ¿Imayna runan kanku yanapakuq qharikuna?

• ¿Imakunapin yanapakunku iñiq t’aqapi ruwaykuna allinta aparikunanpaq?